Magaalaan dheeraa akkumaa maqaa ishee seenaan ishee dheeraadha

Описание: Magaalan guddattuu dheera magaloota godina Arsii riiformii jala jiran keessaa ishee tokkoodha.
Magaalaan dheeraa akkumaa maqaa ishee seenaan ishee dheeraadha. Seenaa fi baroota heddu dabarsitterrti,bu’aa bahii heddu keessaas citeerti. Moggaasni maqaa ishee maqaa namatii kana jedhaan manguddoonni magaala dheeraa hundeeffamni ishee akka har’aa diree diriiraa dilfaqaar jala afatee jiru osoo hin taane gaara gubbaadha jedhan manguddoonni kuniin.
Jalqaba garaa gubbaatti kan hundoofteeftee dheeraan manguddoonni naannoo egeere magaalaa kana hubataan kanneen akka Cirrii Badhaasoo,Aalim Hamdaa, Galatee Dhadachoo, Dhaddacha Simaa fi kanneen biro magaalan kun gaara irraatti guddinna agarsiisuu akka hin daandeenye waan hubataniif kaka’umsa isaaniin gara lafa diriiraatti akka gad busaan seenaan magaala kana dhugaa bahaa.
Asi asiyiin dhufee jedhe namichi mukarraa kufee akkuma jedhamu dheeraan har’a gahuu bu’aa bahii hedduu dabarsiteerti.Erga qaama seerummaa argattee booddee dhiibbaan isheera ture waan layyoo miti. Manguddoonni seenaa kana arganii dhagahanis akkasitti nutti himan
Magaalan dheeraan seensaa fi bahinsa godina Arsiitti. Namni Awaashiin ce’ee gara arsii dhaquuf deemuu dheeraa keessaa darbaa,Arsiidhaayis gara adaamaa fi finfinnee kan deemuu daandii xumuraa Arsii keessa itti bahuu magaalaa dheera tti. Daandii guddaa finfinnee fi baalee walqunnamsiisu gubbaatti kan argamtu magaalan kun dirree diriraa garaa dilfaqar jala jiru irraatti hortee bal’attee argamti.
Manguddoonni kaleessa seenaa dheeraa beekaan jijjiirama har’a magaalaan kun irra jirtu in ajaa’ibsiifatu.baga umriin jiraannee kana argines jedhu.haala seenaa fi guddinaa magaalan kun har’a irra jirtuun kan wal simuu dhabbileen tajaajila hawaasumaa nu barbaachisaas jedhu manguddoonni kuniin.
Hojiin gama bu’uuralee misoomaan waggoota muraasaa as magaala kana keessatti hojjetaman bu’aan isaa hawaasni dhandhamuu eegaleera.rakkoo daandii keessa keessan walqabate jiru furuuf hojiin gama dhakaa afaman ykn kubil stonen hojjeetamee hawaasa awwaraa fi dhoqqee irraa boqachiseera.
Hojiileen bu’uuraalee misoomaa hojjeetaman rakkoo hawaasa heddu hiikuu irra darbee bareedina magaalattif gahee oolanaa baha jira.
Magaalaan guddattuu dheeraa har’a gandoota afur qabdi .kaleessa gandoonni ishee maqaa umamaa dagataanii lakkoofsaan waamamaa kan turan amma maqaa dhalootaati deebi’aniiru.
Magaalan dheeraa nageenya amansiisaa qabaachuu isheen magaala sochiin daldalaa cimaan keessatti taasifamuudha.nageenya waaraa fiduu keessatti qaheen qaamoolee nageenyaa akkuma jirutti ta;ee hirmannaa hawaasaa ,aadaa fi safuu ofitti deebi’uunis bu’aan qabatamaan akka dhufu taasiseera.kanaaf haadholiin siinqee bakka deemaan nagaa labsuu.