Khit Thit Evening News | 10 November 2026

Описание: Khit Thit သတင်းဌာန၏ နိုဝင်ဘာ ၁၀ ရက် ညနေပိုင်း ရုပ်သံသတင်းအစီအစဉ်

By ရန်ကုန်ခေတ်သစ်

ဒီကနေ့ နိုဝင်ဘာ ၁၀ ရက် ညနေပိုင်းတင်ဆက်ပေးမယ့်သတင်းတွေကတော့

ကရင်ပြည်နယ်မှာ စစ်တပ်လက်အောက်ခံ DKBA ၊ KNA နဲ့ BGF တပ်တွေက ကျားဖြန့် လုပ်ငန်းစင်တာအသစ်တွေကို တည် ဆောက်ခွင့်ရနေပြီး ၊ အဓိက တော်လှန်ရေးအင်အားစုတွေနဲ့ မ မပူးပေါင်းဖို့ ၊ စစ်တပ်ရဲ့ ထိုးစစ်တွေမှာ KNU ဘက်က ပါဝင်တာတွေမလုပ်ဖို့သာ မြန်မာစစ်တပ်က ဖိအားပေးထားတယ်လို့ ကရင်စစ်ရေးသတင်းရင်းမြစ်က ရန်ကုန်ခေတ်သစ်ကို ပြောပါတယ်။

လူမှုကွန်ရက် တစ်တော့ပေါ်မှာ PDF တွေကို စိန်ခေါ်ခဲ့တဲ့ စစ်ကောင်စီတပ်သား ၁ ဦးဟာ ကော့ကရိတ်-ကျုံဒိုးအစပ်မှာ တော်လှန်ရေးတပ်တွေရဲ့ အရှင်ဖမ်းဆီးမှုကိုခံရတဲ့အချိန် လက်နက်လု ယူထွက်ပြေးတဲ့အတွက် ပစ်ခတ်ခံရပြီး တခါတည်းပွဲချင်းပြီး သေသွားပြီလို့ တော်လှန်ရေး သတင်းရင်းမြစ်က ရန်ကုန်ခေတ်သစ်ကို ပြောပါတယ်။

မန္တလေးမြို့မှာ စစ်တပ်က မူးယစ်းဆေးဝါးတားဆီးနှိမ်နင်းရေး စီမံချက်နဲ့ KTV တွေကိုပါ ဟန်ပြ နှိမ်နင်းမှုတွေ အဆုံးသတ်ပြီးနောက် မူးယစ်ဆေးဝါးနှင့် ဟိုင်းခန်းတွေပါတဲ့ KTV တွေဟာ အရင်က ထက်တောင် အပြိုင်အဆိုင် ပြန်လည်ဖွင့်လှစ်လာတယ်လို့ မြို့ခံတွေနဲ့ သတင်းရင်းမြစ်တွေက ရန်ကုန်ခေတ်သစ်ကို ပြောလာကြပါတယ်။

အမေရိကန်သမ္မတ ဒေါ်နယ်ထရမ့်က အီရန်စစ်ပွဲ အဆုံးသတ်ရေး သဘောတူညီချက် မရသေးတဲ့အချိန်မှာပဲ ကြားဝင်ညှိနှိုင်းပေးနေတဲ့ ကာတာဝန်ကြီးချုပ် နဲ့ တွေ့ဆုံဖို့ရှိနေတဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။