လွယ်မိုင်းတောင် Mt. Lwe Mai ကောင်လွယ်မုဲင်;

Описание: လွယ်မိုင်းတောင်
လွယ်မိုင်းတောင်သည် ရှမ်းပြည်နယ်တောင်ပိုင်း ပအိုဝ်းကိုယ်ပိုင်အုပ်ချုပ်ခွင့်ရဒေသ ဟိုပုန်းမြို့နယ် စံဖူးကျေးရွာအုပ်စု GPS Location 20°41'07"N 97°20'28"E တွင်တည်ရှိပါတယ်။မဲနယ်တောင်တန်းမှ တောင်ထိပ်တစ်ခုဖြစ်ပြီး ပင်လယ်ရေမျက်နှာပြင်မှ ၈၂၅၀ပေမြင့်ပြီး ရှမ်းပြည်နယ်တွင် ဒုတိယအမြင့်ဆုံးတောင်ထိပ်ဖြစ်ပါတယ်။
ဒုံကောင်းရွာဖက်မှတက်ရသော အရှေ့လွယ်မိုင်းတောင်ထိပ်နှင့် စံဖူးဖက်မှတက်ရသော အနောက်လွယ်မိုင်းတောင်ထိပ်နှစ်ခုရှိရာ ကျနော်တို့က စံဖူးဖက်မှသွားရသော လွယ်မိုင်းတောင်သို့တက်ရောက်ခဲ့ကြပါတယ်။
တောင်ခြေစံဖူးရွာသို့ ရန်ကုန်၊ မန္တလေးဖက်မှလာလျှင် တစ်‌နေ့နီးပါးမျှ အချိန်ပေးရသောကြောင့် တောင်ခြေ စံဖူးရွာတွင်ညအိပ်ပြီးမှ နောက်နေ့မနက်မှတက်ရောက်တာက ပိုအဆင်ပြေပါတယ်။ စံဖူးရွာမှ တောင်ထိပ်သို့အတက်သုံးနာရီကျော်နှင့် အဆင်း နှစ်နာရီကျော်ကြာပါတယ်။ တောင်မတက်ခင် စံဖူးရွာမှ အနည်းငယ်သာဝေးသော ကျောက္ကချားရွာသို့ တပါတည်းသွားရောက်လည်ပတ်နိုင်ပါတယ်။ တောင်တက်လမ်းတလျောက် စိမ်းစိုအုံမှိုင်းနေသော မိုးသစ်တောကြီးအတွင်းမှ သွားရသောကြောင့် မြင်မြင်သမျှစိမ်းလန်းစိုပြေနေပြီး တစ်လမ်းလုံးသဘာဝပန်းပင်များကို တွေ့မြင်ရမှာဖြစ်ပါတယ်။ သက်သက်လွတ်နယ်မြေဖြစ်ပါတယ်။ တောင်ထိပ်တွင် တောဇလပ်ပင်များပေါက်ရောက်ပြီး တောင်ဇလပ်ပန်းပွင့်ချိန်ဆို ပိုလှပါတယ်။
ထိုင်နိုင်ငံတွင်အမြင့်ဆုံး တောင်ဖြစ်သည် 8415 ပေမြင့်သောPoi Iithanon တောင်ထက်ပေအနည်းငယ်သာနိမ့်ပါတယ်။ ၁၉၈၇ခုနှစ်တွင် ဟဲဟိုးမြို့မှ မိုင်းဆက်မြို့သို့ ပျံသန်းလာသော ခရီးသည် ၆၀ ကျော်ပါလေယာဉ်သည် မဲနယ်တောင်တန်းသို့ဖြစ်ပျံသန်းရာတွင် ရာသီဥတုစိုးဝါးမှု့ကြောင့် တောင်ခါးပန်းတစ်ခုနှင့် လေယာဉ်ဗိုက် ရှပ်တိုက်မိပြီး ချောက်အတွင်းသို့ပျက်ကျခဲ့ရပါတယ်။ ယခုအချိန်ထိလေယာဉ်အပျက်အစီးအပိုင်းအစများရှိနေပါသေးတယ်။ လေယာဉ်ပျက်ကျရာနေရာသို့တောင်ထိပ်မှ တစ်နာရီခန့်မျှထပ်သွားရပါတယ်။ ယခုအကြိမ်တွင် တောင်ထိပ်၌ မြူများအုပ်ဆိုင်းနေပြီး လမ်းမရှင်းသည့်အတွက်မရောက်ခဲ့ကြပါ။

Facebook   / aung.gyi.5439  
Instagram
https://www.instagram.com/ko_arkar.54...

Redmi note 11pro ဖုန်းနှင့်ရိုက်ကူးတည်ဖြတ်ထားပါသည်။
ကျွန်တော့ channel လေးကိုလည်း subscribe လေးလုပ်ထားပေးကြပါအုံး ချစ်မိတ်ဆွေများခင်ဗျာ ❣️❣️
#လွယ်မိုင်းတောင် #Lwemei #arkaradv #စံဖူးရွာ #hiking #myanmarmountainview #Hopong