”БАЛАЛЫҚТАН - ДАНАЛЫҚҚА” ФОРУМЫ

Описание: Эксперименттік алаң аясында ұлттық құндылықтар мен рухани байлықты дамыту, педагогтер, ата-аналар мен оқушылар арасында кітап оқуды насихаттау мақсатында “Балалықтан - даналыққа” тақырыбында форум ұйымдастырылды.

Форумға жазушы, психолог, “Отбасы хрестоматиясы” қоғамдық қорының өкілі Мырзабай Сейілбек Саттарұлы, тірек мектеп-лицейдің ғылыми жетекшісі, психология ғылымдарының кандидаты Турдалиева Шолпан Тұрсынбайқызы, тірекке кіріктірілген шағын жинақты мектептердің педагогтері мен тірек мектеп-лицей ұжымы және ата-аналар қатысты.

Форум барысын тірек мектеп-лицей директоры Сайлаубаев Руслан Бахытұлы ашып, балалардың рухани дамуына, кітап оқудың, жан-жақты білім алудың, және ұлттық мәдениеттің бала тәрбиесіндегі рөлі туралы баяндады.

Мырзабай Сейілбек Саттарұлы мен Шолпан Тұрсынбайқызы балалардың білім алуындағы маңызды аспектілерді атап өтіп, оларды қоғамның саналы және жауапты мүшесі етіп тәрбиелеудің жолдарын талқылады. Жазушы Сейілбек Саттарұлы өзінің шығармалары мен жеке тәжірибесінен мысалдар келтіріп, кітап оқу арқылы адамның дүниетанымын кеңейтуге болатынын айтып өтті.

Форум соңында оқушыларға рухани байлықты, құндылықтарды және білімді сіңірудің маңыздылығы туралы практикалық кеңестер берілді. Сондай-ақ, ата-аналар мен педагогтер балаларды кітап оқуға деген ынтасын арттыру, оларға дұрыс бағыт көрсету жайлы ұсыныстар мен пікірлер алмасып, білім мен мәдениетті насихаттау жолдары талқыланды.Бұл форум ұлттық құндылықтар мен білімге деген құрметті қалыптастыруға, болашақ ұрпақты рухани тұрғыдан байытуға бағытталған маңызды шара болып, барлық қатысушыларға терең ой салды.