Қазақстанның Даму Банкі көмірсутекті терең өңдеуге бағытталған жобаларды қолдайды

Описание: Мұнай-газ химиясы саласы – Қазақстан экономикасының стратегиялық маңызды бағыты, елдің дамуына айрықша үлес қосатын сала. Көмірсутек қорының мол болуына байланысты Қазақстан мұнай мен газды өндіруден бастап, жоғары қосылған құны бар өнім шығаруға дейінгі толыққанды өндірістік тізбекті қалыптастыруға әлеуетті.

Қазақстанның Даму Банкі бұл саланы белсенді түрде қолдап, кәсіпорындарды жаңғырту және өндірілетін өнім сапасын арттыру жұмыстарын жүргізуде. Маңызды жобалардың қатарында Атырау, Павлодар және Шымкент мұнай өңдеу зауыттарын жаңарту бар. Бұл шаралар мұнай өңдеу тереңдігін арттыруға, бензол мен параксилол өндіруді жолға қоюға, сондай-ақ экологиялық таза отынға көшуге мүмкіндік берді. Шымкентте метил-трет-бутил эфирі зауытының іске қосылуы ішкі нарықты октан көтеретін қоспалармен толық қамтамасыз етіп, экспорттық әлеуетті арттырды.

Қазақстанның мұнай-газ химиясы саласына Даму Банкінің қосқан үлесі туралы Jibek Joly телеарнасының арнайы репортажында Қоғаммен байланыс қызметінің маманы Малика Болатқазықызы толығырақ айтып берді.