Ի՞նչ անենք Վրաստանի հետ: Դարավոր պատմություն, սխալներ և հնարավորություններ:

Описание: Ի՞նչ անենք Վրաստանի հետ: Դարավոր պատմություն, սխալներ և հնարավորություններ:
Հայ-վրացական պատմություն:

Մեր տարածաշրջանը քաղաքակրթությունների խաչմերուկ է, որտեղ միասնությունն ու հակամարտությունը գոյակցում են կողք կողքի:

Հայաստանն ու Վրաստանը՝ երկու ժողովուրդ, երկու երկիր, որոնց պատմությունները, չնայած բոլոր խոչընդոտներին, զարմանալիորեն միահյուսվում են միմյանց հետ, դարեր շարունակ պայքարել են ընդհանուր թշնամիների դեմ, պահպանել իրենց մշակույթն ու հավատը, կառուցել ռազմավարական դաշինքներ:

Աշխարհում, որտեղ կրկին գլուխ են բարձրացնում ուժեր, որոնք ձգտում են վերախմբագրել տարածաշրջանի պատմությունը, անցյալի փորձը ձեռք է բերում հատուկ նշանակություն: Այն  հիշեցնում է մեզ, որ քրիստոնյա Հարավային Կովկասի պահպանման լավագույն տարբերակներից մեկը ռազմավարական համագործակցությունն է ոչ թե հօգուտ ակնթարթային շահի, այլ հօգուտ սերունդների և ռազմավրական ապագայի։

Այսօր Հայաստանը և Վրաստանը բախվում են իրենց ընդհանուր պատմությունը հիշեցնող գոյութենական սպառնալիքների: Թուրք-ադրբեջանական ռազմական դաշինքը ագրեսիվորեն հաստատում է  իր գերիշխանությունը տարածաշրջանում, օրեցօր ընդլայնվող, թե ռազմական, և թե տնտեսական ազդեցությունը։

Երկարաժամկետ անվտանգության ճարտարապետության կառուցումը պահանջում է աստիճանական քայլեր: Հնարավոր է` բնակչության հիմնական մասն այսօր չի տեսնում դրա անհրաժեշտությունը և  երկրների փոխադարձ կախվածությունը միմյանցից: Բայց կարևոր է, որ դա գիտակցեն երկու երկրների հասարակական-քաղաքական էլիտաները. սա ոչ թե  նորույթ   է, այլ մեր համատեղ պատմության փորձը, մեր էլիտաների փորձը, որոնք կարողացել են ստեղծել այնպիսի նախադեպ, որին դարեր անց կարող են անդրադառնալ իրենց ժառանգները։

Ակնհայտ է, որ տարածաշրջանում որակապես նոր հարաբերություններ և կարգավիճակ կարող ենք ունենալ միայն այն ժամանակ, երբ կհաղթահարենք փոխհամաձայնեցված խմբիշխանության այս փակ շղթան և կձևավորենք Հայկական պետություն, որը կլինի հայկական առաջին հերթին իր բովանդակությամբ և կունենա ազգային շահի խորքային գիտակցում։