Aksyon Laban sa Kahirapan - Season 2 – Episode 55

Описание: Bilang pakikiisa sa pagdiriwang ng Pambansang Linggo ng mga Nakatatanda o Elderly Filipino Week (EFW), tampok sa ika-55 na episode ang panayam National Commission of Senior Citizens (NCSC) Spokesperson Loraine Cerillo Valdevieso, kung saan kanyang tinalakay ang mga inisyatiba ng NCSC upang paunlarin ang pamumuhay ng mga Pilipinong nakakatanda, sa programang Rise and Shine Pilipinas ng PTV-4, Oktubre 7.

Bilang panimula, ibinahagi ni NCSC Spokesperson Valdevieso na sa bisa ng ‘Proclamation No.470 series of 1994’ naitatag ang paggunita ng EFW sa bansa. Aniya, ngayong taon ilan sa mga aktibidad na isinagawa para sa naturang pagdiriwang ang ‘Walk for Life’, kung saan higit kumulang 6,000 mga senior citizen sa buong bansa, at ang caravan ng mga serbisyo ng mga ahensya ng pamahalaan tulad ng PhilHealth, Department of Health, Department of Labor and Employment, Technical Education and Skills Development Authority, at iba pa na makakatulong na mapabuti ang mga buhay ng mga nakatatanda sa bansa.

Kaugnay ng tema ng EFW ngayon taon na “Embracing Age, Living a Life with Dignity and Purpose,”hinikayat ni Spokesperson Valdevieso ang lahat, partikular ang mga kabataan na makiisa sa pagpapaunlad ng mga buhay ng mga senior citizen at binigyang-diin ang kahalagahan ng pagbibigay sa kanila ng mga oportunidad na maging aktibo ang pang-ekonomiko na aspeto ng kanilang mga buhay.

Dagdag pa rito, ibinahagi niya na noong taong 2020 tinatayang nasa 9.2 milyon ang naitalang bilang ng mga senior citizen sa bansa ayon sa Philippine Statistics Authority at inaasahang umabot pa ito hanggang 12 milyon pagsapit ng taong 2030. Ibig sabihin, na sa mga darating na taon magkakaroon ang bansa ng tinatawag na ‘aging population’, kung kaya mahalaga na nagtutulungan ang bawat isa upang mapalawig at mapaigting pa ang mga benepisyo at programa para sa mga Pilipinong nakakatanda.

Sa usapin naman ng convergence, binigyang-diin niya na tinitiyak ng NCSC, sa pamamagitan ng Philippine Plan of Action for Senior Citizens, na nakaayos ang iba’t ibang programa ng mga ahensya ng pamahalaan para sa mga senior citizen. Dagdag pa ni Spokesperson Valdevieso, sa ilalim ng Expanded Centenarian Act, higit Php1 bilyong ang iginawad sa higit kumulang 100,000 na mga senior citizen na umabot ng edad 80,85,90,95, maliban pa ito sa 100,000 na nakalaan para sa mga centenarians.

Gayundin, isinulong niya ang pagkakaroon ng bawat munisipalidad sa bansa ng senior citizen community care center, na isang one-stop hub para sa mga nakatatanda, kung saaan layunin nito na makapagbigay ng kanilang mga kinakailangang gamot at magsilbing lugar na maaari puntahan ng mga senior citizen upang makahalubilo ang kani-kanilang mga kaibigan.

#NAPC26
#AksyonLabanSaKahirapan
#BagongPilipinas