Djun - Nuċċali Roża

Описание: Mużika - Djun
Lirika - Charles Cassar

Kant - Justin Galea
Bass - Charles Cassar
Kitarra - Ryen Refalo
Keyboards - Paul Torpiano
Drums - Nil Ramos

© Djun

FB: ww.facebook.com/djunband/
IG: www.instagram.com/djunband/

Lirika:

Kont tilbes nuċċali roża
Biex tara d-dinja aħjar
Konna naħarbu mill-iskola
Waqt il-brejk ta’ nofsinhar

Fil-ġnien tal-ferrovija
Il-ħin jgħaddi malajr wisq
Selliftlek il-ġakketta
Għax fix-xitwa malajr jaqa’ l-frisk

Nistenna s-sitta biex inċempel
Xħin tirrispondi nibda ntemtem
Ċempilt biex ngħidlek illi nħobbok
L-imħabba ma tafx fejn se ġġorrok
Ħudni ’l bogħod miegħek
Ix-xefaq mhux imbiegħed

Nuċċali roża
Biex nerġa’ ngħix iż-żmien
Li forsi qatt ma kien

Kont tilbes nuċċali roża
Għax fid-dinja hemm biżżejjed griż
Jgħidu d-destin għandu pjan għal kollox
Imma magħna ma tantx kien preċiż
Kultant minn sena għall-oħra
Id-distanzi jkunu kbar wisq
Fil-ġnien sibt ruħi waħdi
U donnu beda jaqa’ l-frisk

Fuq in-Nokia l-messaġġi
Iħabbtu qishom l-ingranaġġi
Ta’ qalbi illi qed tinkiser
Kull ħolma jeħtieg li tintrifes
Nipprova nżomm miegħek
Ix-xefaq qed jitbiegħed

Nuċċali roża
Biex nerġa’ ngħix iż-żmien
Li forsi qatt ma kien