SUBVENCIONET NË BUJQËSI PËR 2025

Описание: Më 14 prill nisin aplikimet për skemën kombëtare të bujqësisë për vitin 2025. Fermerët mund të aplikojnë deri në 30 maj për të përfituar nga skemat mbështetëse të Ministrisë të Bujqësisë. Për herë të parë do të mbështeten fermerët që prodhojnë perime bio në sera. Ndërsa për blegtorinë do t’i kushtohet vëmendje rritjes së viçave.Sipas Ministrisë së Bujqësisë këtë vit janë përmirësuar skemat e mëparshme ku bie në sy subvencionimi për numër krerësh në blegtori, lufta biologjike në sera si dhe subvencionimi për litër naftë.Një vit më parë nga skemat ndihmëse pjesa më e madhe e fermerëve që aplikuan ishin të interesuar për naftën pa akcizë.Këtë vit në blegtori përveç mbështetjes për krerët, për delet dhe për dhitë do të vazhdojë mbështetja dhe për viçat meshkuj për mish, ndërsa për serat, fermeri do të futet në skemën e mbrojtjes biologjike. Referuar të dhënave zyrtare nga Shërbimi Veterinar në Kukës në shkalle qarku aktualisht numerohen 20 mijë krerë gjedhe dhe 45 mijë krerë të imta. Nga 45 mijë krerë të imta,30 mijë janë dele dhe 15 mijë krerë dhi. Në Qarkun e Kukësit janë të regjistruar me NIPT 860 fermerë që merren me blegtori dhe bujqësi. Sipas Agjencisë se Eksencionit Bujqësor për vitin 2024, gjithsej 860 fermerë kanë bërë aplikime tek AZHBR. Nga këto për nafte kanë aplikuar 110 fermerë ndërsa tjetër për blegtori.Të gjithë fermerët aplikues të vitit 2024 janë financuar.