အီရန် နဲ့ အစ္စရေး ၁၂ ရက်ကြာ စစ်ပွဲ အပစ်ရပ်ပြီလို့ ထရမ့်ကြေညာ | People's Spring

Описание: အီရန် နဲ့ အစ္စရေး ၁၂ ရက်ကြာ စစ်ပွဲ အပစ်ရပ်ပြီလို့ ထရမ့်ကြေညာ

ဇွန် -၂၄​ ၊ ၂၀၂၅ /People's Spring

အစ္စရေးနဲ့ အီရန်ကြား ၁၂ ရက်ကြာ လေကြောင်းတိုက်ခိုက်မှုတွေအပြီး အပစ်အခတ် ရပ်စဲဖို့ သဘောတူညီမှု ရရှိခဲ့ပြီလို့ အမေရိကန် သမ္မတ ဒေါ်နယ်လ်ထရမ့်က ကြေညာခဲ့ပါတယ်။

အမေရိကန်ကအီရန်ရဲ့ နျူကလီးယားဆိုင်ရာအဆောက်အအုံ ၃ ခုကိုဗုံးကြဲပြီးတဲ့နောက် ၂ ရက်လောက်အကြာ ဇွန်လ ၂၄ ရက်နေ့မှာ အမေရိကန်ဆီက အခု ထုတ်ပြန်ချက် ထွက်ပေါ်လာခဲ့တာပါ။

ထရမ့်က အီရန်ရော၊ အစ္စရေးပါ စစ်ဆင်ရေးဆိုင်ရာ နောက်ဆုံးအဆင့် မစ်ရှင်တွေကို လက်စသတ်ပြီးရင်၂၄နာရီအတွင်းအပစ်အခတ်ရပ်စဲမှု အသက်ဝင်မှာဖြစ်ကြောင်း၊ အဲဒီကနေတဆင့် စစ်ပွဲကို အလုံးစုံ ရပ်တန့်နိုင်စေမှာဖြစ်ကြောင်း သူထူထောင်ထားတဲ့ လူမှုကွန်ရက် မီဒီယာ Truthမှာ ရေးသားထားခဲ့ပါတယ်။

အပစ်အခတ် ရပ်စဲရေး ကာလအတောအတွင်း တစ်ဖက်စီဟာ ငြိမ်းချမ်းပြီး လေးစားမှု ရှိနေမှာ ဖြစ်ကြောင်း၊ မျှော်လင့်ထားတဲ့အတိုင်း အားလုံး ဖြစ်လာမယ်ဆိုရင် ၁၂ ရက်စစ်ပွဲလို့ ခေါ်ရမယ့် ပဋိပက္ခကို အဆုံးသတ်စေမယ့် သက်လုံ၊ သတ္တိနဲ့ အသိဉာဏ်တွေ ပြသခဲ့ကြတဲ့အတွက် အစ္စရေးရော၊ အီရန်ကိုပါ သူ့အနေနဲ့ ဂုဏ်ပြု ချီးကျူးလိုကြောင်း ထရမ့်က ဆိုပါတယ်။

သူက အစ္စရေးနဲ့ အီရန်ကြားက အလုံးစုံ အပစ်အခတ် ရပ်စဲမှုဟာ လာမယ့် နာရီပိုင်းတွေအတွင်း ဖြစ်ပေါ်လာလိမ့်မယ်လို့လည်း ဆိုပါတယ်။ ဒီစစ်ပွဲဟာနှစ်တွေနဲ့ချီ ကြာမြင့်သွားနိုင်ပြီးအရှေ့အလယ်ပိုင်း ဒေသမှာ ပျက်စီးရာ ပျက်စီးကြောင်းတွေ ကြုံလာစေနိုင်ကြောင်း၊ ဒါပေမဲ့ အဲဒီလို မဖြစ်ခဲ့သလို လုံးဝလည်း ဖြစ်လာမှာ မဟုတ်ကြောင်း၊ အစ္စရေး၊ အီရန်နဲ့ အရှေ့အလယ်ပိုင်းကိုဘုရားသခင် ကောင်း
ချီးပေးဖို့၊ အမေရိကန်ကို၊ ကမ္ဘာကြီးကို ဘုရားသခင် ကောင်းချီးပေးဖို့ ဆုတောင်းကြောင်းလည်း ထရမ့်က ရေးသားထားပါတယ်။

အီရန် နိုင်ငံခြားရေးဝန်ကြီးအဘက်စ် အာရက်ချီကတော့ အစ္စရေးက ဆက်မတိုက်တော့ဘူးဆိုရင် အီရန်ကလည်း လက်တုံ့ပြန်မှုတွေကို ဆက်လုပ်ဖို့ ဆန္ဒမရှိကြောင်းပြောကြားထားပါတယ်။သူက စစ်ပွဲကို အစ္စရေးက စခဲ့တာဖြစ်ပြီးအဲဒီလိုတရားလက်
မဲ့ ကျူးကျော် ရန်စမှုတွေကို အစ္စရေးဖက်က ရပ်လိုက်မယ်ဆိုရင် အီရန်ကလည်း ဆက်ပြီး တိုက်ခိုက်နေမှာ မဟုတ်ကြောင်း လူမှုကွန်ရက် မီဒီယာ Xကနေ သဘောထား ထုတ်ပြန်ခဲ့ပါတယ်။

အီရန်ဟာ ထရမ့်ကြေညာတဲ့ အပစ်အခတ် ရပ်စဲရေး ကြေညာချက် မတိုင်ခင် ဇွန်လ ၂၃ ရက် ညပိုင်းက ကာတာနိုင်ငံ၊ ဒိုဟာမြို့တော်နားက အမေရိကန်ရဲ့ လေတပ်စခန်း တစ်ခုကို ဒုံးကျည်တွေနဲ့ ပစ်ခတ်ခဲ့ပါသေးတယ်။ဒါဟာအီရန်ရဲ့နျူကလီးယား စခန်းတွေကို အမေရိကန်က ဗုံးကြဲခဲ့တဲ့အတွက် လက်တုံ့ပြန်ခဲ့ခြင်း ဖြစ်ပါတယ်။

ကာတာက နိုင်ငံရဲ့ လေပိုင်နက်ကို ကျူးကျော်ပြီး အီရန်က ဒုံးကျည်တွေနဲ့ ပစ်ခတ်ခဲ့တဲ့အတွက် အပြင်းအထန် ရှုတ်ချကြောင်း ကြေညာပါတယ်။ ပြီးတော့ ကာတာရဲ့ လေကြောင်းကာကွယ်ရေး စနစ်တွေက အီရန် ဒုံးကျည်တွေကို အောင်အောင်မြင်မြင် ကြားဖြတ် ဟန့်တားနိုင်ခဲ့တယ်လို့လည်း ပြောပါတယ်။

ထရမ့်ကတော့ အီရန်ရဲ့ တိုက်ခိုက်မှုဟာ အတော်လေး အားနည်းခဲ့တယ်လို့ မှတ်ချက်ပေးပြီး တိုက်ခိုက်မှု မတိုင်ခင် ကြိုတင် အသိပေး အကြောင်းကြားတဲ့ အီရန် အာဏာပိုင်တွေကို ကျေးဇူးတင်တယ်လို့ ပြောခဲ့ပါတယ်။ အမေရိကန်ဟာ အီရန်ဒုံးကျည်တွေ လေတပ်စခန်းနား ရောက်မလာခင် ကတည်းက အမှုထမ်းတွေကို ကြိုတင် ပြောင်းရွှေ့ထားနိုင်ခဲ့ပါတယ်။

အဲဒီ တိုက်ခိုက်မှုအပြီး နာရီပိုင်း အကြာမှာ ထရမ့်က အီရန်နဲ့ အစ္စရေး အပစ်ရပ်တော့လို့ ကြေညာခဲ့တာ ဖြစ်ပါတယ်။
ကိုးကား - CNN

#ludunwayoo #လူထုနွေဦး #NewsUpdate

𝗣𝗲𝗼𝗽𝗹𝗲'𝘀 𝗦𝗽𝗿𝗶𝗻𝗴
𝗬𝗼𝘂𝗧𝘂𝗯𝗲 -    / @peoplespring  
𝗙𝗮𝗰𝗲𝗯𝗼𝗼𝗸 -   / ludunwayoo  
𝗪𝗲𝗯𝘀𝗶𝘁𝗲 - https://www.ludunwayoo.com/
𝗜𝗻𝘀𝘁𝗮𝗴𝗿𝗮𝗺 -   / ludunwayoo  
𝗧𝗲𝗹𝗲𝗴𝗿𝗮𝗺 - https://t.me/peoplespring