បណ្តឹងអាជ្ញា និងការរលត់នៃបណ្តឹងអាជ្ញា / Legal Procedure Eps-3

Описание: ជាទស្សនៈទូទៅរបស់ប្រជាពលរដ្ឋ យល់ឃើញថា ការផ្ដល់សំណងនៃការខូចខាតទៅឱ្យជនរងគ្រោះ ឬ ជនរងគ្រោះមិនប្ដឹង ឬមានការដកបណ្ដឹងពីជនរងគ្រោះ ជាដើម ជាមូលហេតុដែលអាចធ្វើឱ្យរួចផុតពីការចោទប្រកាន់បទល្មើសព្រហ្មទណ្ឌ ឬរលត់បណ្ដឹងអាជ្ញា ។ ការយល់ឃើញបែបនេះ គឺពុំត្រឹមត្រូវនោះទេ ពីព្រោះថាបណ្ដឹងអាជ្ញា គឺត្រូវបានធ្វើឡើងដោយរដ្ឋ ពុំមែនធ្វើឡើងដោយជនរងគ្រោះនោះទេ ហើយមូលហេតុនៃការរលត់បណ្ដឹងអាជ្ញានេះ គឺមានបញ្ញត្ដិជាក់លាក់នៅក្នុងច្បាប់ជាធរមាន ។ តាមគោលការណ៍ច្បាប់ បើទោះបីជាសំណងនៃការខូចខាតត្រូវបានផ្តល់ជូនភាគីរងគ្រោះ និងមានការសម្របសម្រួលដកពាក្យបណ្តឹងពីសំណាក់ភាគីរងគ្រោះ ឬករណីដែលជនរងគ្រោះពុំបានដាក់ពាក្យបណ្ដឹងក៏ដោយ ក៏បណ្តឹងអាជ្ញាមិនរលត់ឡើយ ។ មូលហេតុនៃការដកបណ្តឹងរបស់ភាគីរងគ្រោះ គឺមានអានុភាពត្រឹមតែជាការបញ្ចប់នូវការទាមទារ ផ្នែកសំណងរដ្ឋប្បវេណីតែប៉ុណ្ណោះ ពោលគឺមិនមែនជាកត្តាដែលអាចនាំឱ្យបណ្តឹងអាជ្ញាត្រូវរលត់ឡើយ។
យោងតាមមាត្រា៧ នៃក្រមនីតិវិធីព្រហ្មទណ្ឌ មូលហេតុនៃការរលត់បណ្តឹងអាជ្ញា មានដូចខាងក្រោម៖
មរណភាពនៃជនល្មើស
ការផុតអាជ្ញាយុកាល
ការលើកលែងទោសទូទៅ
និរាករណ៍នៃច្បាប់ព្រហ្មទណ្ឌ
អាជ្ញាអស់ជំនុំ

សូមរងចាំស្តាប់សំឡេងពេញទាំងស្រុង!

ស្រាវជ្រាវ និងរៀបរៀងដោយ ហេង គឹមហុង

#LegalAdvisorCambodia #CambodianLaw #KhmerLaw #KnowYourRights #AccessToJustice #LegalAwareness #RuleOfLaw #LegalEducation #JusticeForAll #LawAndJustice #HumanRightsCambodia #CitizenRights #FreedomAndJustice #RightsMatter #RightToJustice #LegalEmpowerment #LegalAid #LaborLaw #LandLaw #FamilyLaw #MarriageLaw #CriminalLaw #CivilRights #PoliceRights #CourtSystem #Explained #LawInSimpleTerms #EducationChannel #LearnWithMe #LegalTips