Qarakesek лақап атымен танымал рэперге қатысты сот үкімі шықты

Описание: Ақтөбеде Qarakesek лақап атымен танымал рэперге қатысты сот үкімі шықты. Омар Амантаев есірткіні заңсыз иемденіп, сақтағаны үшін кінәлі деп танылды. Судья әншіге 100 сағат қоғамдық жұмысқа тарту жазасын тағайындады.
ТҰРСЫНХАН САЛЫҚОВ, АҚТӨБЕ №2 ҚАЛАЛЫҚ СОТТЫҢ СУДЬЯСЫ:
Жергілікті атқарушы органға тегін қоғамдық пайдалы жұмыс түрін белгілеу жүктелсін, қоғамдық жұмыстарға тартылуын қадағалау тұрғылықты мекен-жайы бойынша пробациялық қызметке жүктелсін. Психиатрдың амбулаториялық мәжбүрлік бақылауымен емдеу түріндегі медициналық сипаттағы мәжбүрлеу шарасы тағайындалсын.
Сотта әншінің кәмелетке толмаған төрт баласы бар екені және бұған дейін қылмыстық жауапкершілікке тартылмағаны ескерілді. Күні кеше процеске келмеген Qarakesek бүгін мәжбүрлі түрде сот залына жеткізілді. 31 жастағы рэпер өткен жылдың тамыз айында масаң күйде көлік рөліне отырғаны үшін ұсталған болатын. Полиция қызметкерлері машинадан синтетикалық есірткі салынған zip-пакет тапқан. Медициналық сараптама қорытындысынан кейін әнші 15 тәулікке қамауға алынып, 7 жыл мерзімге жүргізуші куәлігінен айырылған еді. Сотта Омар Амантаев синтетикалық есірткіні көшеден тауып алып, қолданғанын мойындады.
ОМАР АМАНТАЕВ, сотталушы:
Тауып алдым.
-Қай жерден?
-Көшеден. Сол Заречный жақта.
-Қандай мөлшерде?
-Сол солайымен 0,5. Синтетикалық зат.
-Психотроптық зат екенін білдіңіз бе?
-Білдім ғой.
-Қайдан?
-Білем ғой, видеолардан.
Қайда апардыңыз? Өзімде болды, қалтамда. Қолдандыңыз ба? Ия.
Қалай қолданады? Мұрыннан иіскейді.
#Информбюро #31арна #БастыЖаңалықтар #Новости #31канал