Aksyon Laban sa Kahirapan - Season 2 – Episode 72

Описание: Tampok sa ika-72 na episode ang panayam ni Commission on Filipino Overseas (CFO) Head Executive Assistant (HEA) Atty. Jan Karlo Magracia sa programang Rise and Shine Pilipinas ng PTV-4, Disyembre 9.

Tinalakay ni HEA Atty. Magracia ang mandato ng CFO bilang pangunahing ahensya ng pamahalaan na naghahanda sa mga long-term migrants na Pilipino para sa kanilang matagumpay na pamumuhay sa ibang bansa. Bukod sa pagsasagawa ng mga pre-departure orientation seminar (PDOS) upang ihanda ang mga kababayan, nakatutok din ang CFO sa pakikipag-ugnayan sa Filipino diaspora sa larangan ng ekonomiya, siyensya, at kultura upang mapalakas ang kanilang koneksyon sa Pilipinas.

Ibinahagi rin niya ang datos ng mga permanenteng migranteng Pilipino. Ayon sa kanilang tala, mayroong mahigit 10 milyong overseas Filipinos, kung saan mga permanenteng migrants na ang higit sa kalahati sa kanila. Ipinaliwanag niya na nagkakaroon ng kaibahan sa datos dahil mayroong mga overseas workers na naging permanent residents matapos makapag-asawa ng foreigner o dumaan sa ibang proseso.

Binigyang-diin din ni Atty. Magracia ang mga pangunahing programa ng CFO tulad ng PDOS, Country Familiarization Seminar, Balikbayan Program, ULEAD, at ang biennial Presidential Awards for Filipino Individuals and Organizations Overseas (PAFIOO) na naglalayong bigyang parangal ang mga Pilipino at organisasyon na nasa ibang bansa upang kilalanin ang kanilang mga natatanging ambag sa bansa. Dagdag pa niya na kasama ang CFO sa Inter-Agency Council Against Trafficking (IACAT) at Interagency Council for the Celebration of the Month of Overseas Filipinos.

Ibinahagi rin niya na patuloy nakikipagtulungan ang CFO sa iba’t ibang ahensya ng pamahalaan sa pagbuo ng mga programa at polisiya laban sa human trafficking. Kabilang dito ang Department of Justice, Bureau of Immigration, Department of Migrant Workers, Overseas Workers Welfare Administration, at iba pang mga ahensya.

#NAPC26
#AksyonLabanSaKahirapan
#BagongPilipinas