UMUNSI WA 7: GUSHIMIRA IMANA (26/10/2025, 9h00-16h00) Centre de l'Emmanuel Kigali

Описание: UMUNSI WA 7: GUSHIMIRA IMANA (26/10/2025, 9h00-16h00) Centre de l'Emmanuel Kigali
Centre de l'Emmanuel - Kigali (iruhande rwa UNILAK)
.
Gahunda: Rozali, inyigisho, misa (11h00), gusingiza Imana, gushimira Imana no gutera inkunga ubutumwa bukorerwa mu Rugo rw’Umutima Mutagatifu wa Yezu

IGISINGIZO CYA YERIKO - GUTURA Momo *182*8*1*077111# EMMA Rwanda cyangwa kuri WorldRemit: +250 798 684 708 (MUSABYIMANA Valens)
.
Dutumire n'abandi

.
TURATUMIWE: ISENGESHO RY'IGISINGIZO CYA YERIKO (20/10/2025 - 26/10/2025). Centre de l'Emmanuel - Kigali
20-24/10/2025: 17h30 - 20h30; 25/10/2025: 17h00 - 20h00; 26/10/2025: 9h00 - 15h00 mu Rugo rw'Umutima Mutagatifu wa Yezu - Centre de l'Emmanuel - Kicukiro Rwanda (iruhande rwa UNILAK)
.
Rizanyura kandi no kuri Youtube channel ya Radio Maria Rwanda n'iya Communauté de l'Emmanuel Rwanda
.
Igisingizo cya Yeriko ni iki? gikorwa gute?
Ese mu buzima bwanjye kuki ngomba gukora icyo gisingizo cya Yeriko?
_______________________
Iri sengesho ry'igisingizo cya Yeriko, bitwibutsa uburyo abayisiraheli bifashishije urwamo, basingiza Imana, inkuta z'umujyi wa Yeriko zirahirima.(Yozuwe 6:6-20)
Natwe bavandimwe, mu buzima bwacu, hari byinshi bituzitira kubera ubuzima tubayemo, haba ubushomeri, uburwayi, ingeso zitandukanye, imyifatire mibi, ibibazo by'ubuzima bitandukanye,
kudakundwa n'abandi, n'ibindi byose twumva bitubangamiye mu buzima.
Muvandimwe, turagushishikariza kujya muri iryo sengesho, aho dusingiza Imana twirekuye, aho dutaraka mu buryo burambuye, mu gihe gihagije, maze tukayisaba kudusenyera ibyo bikuta byose biri mu buzima bwacu, bigahirima. (Kudukiza ibyo byose bitubangamiye).
.
Ni isengesho ryo gusingiza Imana imbere y'isakramentu ritagatifu..
Nk'ubuhamya, mu isengesho rya Yeriko (Louange de Jericho) ryabaye mu myaka ishize, umubyeyi yasabiraga umurwayi we wari ufite indwara ikomeye hanyuma aza kudutangariza ko yakize, amusabiye muri iryo sengesho, kandi uwo murwayi atarigeze agera aho isengesho ryaberaga.
.
Dusabire abavandimwe bacu bose ndetse n'abatabasha kugera aho iryo sengesho riri kubera.
.
Uyu munsi ni wowe Nyagasani araritse kugira ngo akwereke urukundo agufitiye, akwiyereke ndetse aguhaze ibyiza bye.
Mutumire abandi tuze gusenya ibyo bikuta bitubuza kwegera no gusanga Nyagasani.
Dusabirane, Yezu Nyirimpuhwe azadukoreho, aduhumurize kandi adukize!

Ibyo byose tubizana imbere ya Nyagasani, we udukunda, tukamushimira, tumusingiza ibyiza adukorera imbere y’isakaramentu ritagatifu.
.
Tubikora mu kwemera, mu kwizera no mu rukundo, Kristu udukunda, yiteguye kudukoraho, akaduhumuriza, akatubohora, akadusubiza kandi akadukiza.

DUSINGIZE IYADUHANZE, NA YO IDUHANGAMURIRE IBYANANIRANYE.

Mwese muratumiwe kandi mutumire n'abandi.