"Gabimi më i madh të hash shpesh dhe pak", gastrologu ngre alarmin: Sekreti është te...

Описание: #stomaku #urthi #gastriti #refluksi #ulçera #ulçer #ulcer #zorraetrashe #kapsllek #kohapertuzgjuar #klevinmuka #doktor #gastrolog #geraldkola

Në “Koha për t’u zgjuar” në News24, mëngjesin e sotëm ishte i ftuar mjeku internist Gerald Kola.

Ai ka dhënë këshilla sa i përket shëndetit të stomakut dhe zorrëve dhe mënyrën se si të ndihmojmë trupin tonë të përballojë situata të caktuara.

“Ndër problemet akute, ku përfshihen edhe virozat, janë shpesh diarreja dhe të vjellat që vijojnë deri në 7 ditë.

Pjesa më e prekshme për njerëzit është gastriti dhe urthi, refluksi që ka të bëjë drejtpërdrejtë me stomakun, që jep dhimbje dhe shqetëson më shumë pacientët.

Zakonisht kemi urthi, fryrje e barkut, dhimbje që qetësohet pasi ushqehemi, këto janë specifikat, por që kalojnë kohë pa u trajtuar saqë pacientët vijnë pas vitesh gastrit i cili është kthyer tashmë në ulcera. Më pas ulcera kur agravohet arrin të çajë edhe stomakun”, ta ai.

Në lidhje me “armiqtë” e stomakut, mjeku renditi alkolin dhe çdo teprim me sasinë e ushqimit.

“Sa i përket armiqve të stomakut, baza është alkoli, më pas vijnë sheqernat dhe karbohidratet.
Dua të bëj një parantezë, praktikisht bën dëm ajo që është e tepruar, mbisasia. Nuk është se do hamë një fetë bukë apo një fetë bakllava dhe do të na bëjë dëm. Trupi ka nevojë për të gjithë nutrientët, nuk duhet ta privojmë nga këto gjëra.

Nëse një stomak është i sëmurë bëjnë dëm edhe yndyrnat, ë kushte normale, nëse nuk abuzohet, një stomak i shëndetshëm është i krijuar për të tretur çdo lloj enzime”, tha ai.
Më tej mjeku foli edhe në lidhje me stresin dhe ndikimin e tij në stomak.

“Gastriti dikur është quantur sëmundja e studentit pasi për herë të parë është vënë re tek studentët në kohën e provimeve. Gastriti është totalisht i lidhur me stresin”, tha mjeku, ndërsa shtoi edhe këshilla sa i përket ndihmës që mund t’i japim stomakut me mënyrën e të ushqyerit.

“Stomakun e ndihmon t’i lësh kohë të çlodhet, pra vaktet të jenë të gjata. Është teori e gabuar të hash shpesh dhe pak. Ndez motorrët për një snack. Sistemi është i automatizuar. Kur t’i do të hash diçka ai do të përgatitet për një vakt të plotë. Tëmthi dhe pankreasi do të nisin të prodhojnë enzima të tresin një vakt të plotë”, përfundoi mjeku.