Тамхинаас яаж гарах вэ? / Түвшинжаргал /

Описание: Та надтай адилхан тамхичин уу?
Өглөөний мэнд: Та тамхичин уу? Хэрвээ тийм бол энэ мэдээллийг дуустал нь үзээрэй.
Би 10 жилээ төгсөх үедээ сонирхож байгаад л тамхи татаж эхэлсэн юм. Яг үнэндээ тамхи намайг татаж эхэлсэн гэвэл зохино. Ингээд би урт удаан үргэлжилсэн 13 жил тамхинд татуулсан юм. Оюутан нас, ажилд орсон эхний жилүүдэд тамхинаас гарах тухай нэг их боддоггүй байлаа. Харин сүүлийн жилүүдэд би тамхинд татуулж дуусаж байгаагаа ойлгосон юм. Учир нь надад хэд хэдэн сонин шинж илэрч эхэлсэн.
-Би тамхи татаж байхдаа маш ихээр шүлсээ хаядаг. Ингэснээр би өөрийн амьдрал бэлэглэгч ус чийгийг сайн дураараа гарган хаяж байсан.
-Татаж байхдаа их огьж, заримдаа бөөлждөг. Энэ нь хоолой их хуурайшилттай болсноос болдог байх.
-Бусдад бол би байнга өмхий үнэртүүлж байсан юм байна гэж одоо боддог юм. Миний эргэн тойронд байгаа одоо тамхи татаж байгаа хүмүүсээс хархад.
-Уушги, зүрх нь мэдэгдэхгүй цээжин бие хөндүүрлэж, ханиадаг боллоо.
Ингээд би тамхинаас гарах тухай бодож эхлэв. Харин үүнтэй зэрэгцээд улам их татаж эхэлдэг байна шүү.
Найз нөхөдтэйгөө хамт гарах гэж бид эм авч ууж үзлээ. Барсангүй. Андгай өргөж, ам өчиг өглөө. Бүтсэнгүй. Анд найзуудтайгаа бооцоо тавьж торгуулж үзлээ. Болсонгүй. Гэхдээ дээрх бүх үйлдлүүд маань тамхинаас гарах сэтгэл зүйн бэлтгэл ажил болсон байх гэж би боддог юм. Ингээд том хүү маань төрлөө. Би гэдэг хүн аав болов. Аав болоод анзаартал миний 5 найзын 3 нь тамхичин 2 нь тамхи татдаггүйг анзаарав. Харин аавууд маань яг адилхан зуршилтайг мэдээд би шоконд оров. Хэрвээ би татсаар байх юм бол одоо хацраас нь тараг үнэртэж буй хөөрхөн хүү минь тамхичин болно гэдгийг энэ үзүүлэлт надад шууд хэлж байлаа. Гарах хүсэл маань улам их болов. Хүсэл төрсөн байхад арга нь олдож л таараа.
Нэг удаа найз маань надад 1 арга санал болгов. Намайг гараад агаараар яг тамхи татаж байгаа юм шиг гүнзгий уушгилаад үздээ гэлээ. Би гараад өглөөний сэнгэнэсэн агаараар уушгилав. Нээрээ л нэг их ялгаагүй мэдрэмж төрж байна. Би өнгөрсөн хугацаанд зөвхөн тамхи татахдаа л гүнзгий амьсгаа авдаг зуршилтай болж, үүнээсээ болоод цэвэр, цэнгэг агаарын сайхныг мэдрэхээ больжээ. Ингээд би тамхи татмаар санагдах бүрд цэнгэг агаараар уушгилав, дасгал хийж, зөв амьдрахыг хичээх болсон юм. Одоо би тамхинаас гараад 7 жил болох гэж байна.
-Та хэрвээ тамхинаас гарч чадсан бол энэхүү пост доор өөрийн туршлагыг хуваалцаарай.
-Хэрвээ таны хажууд хэн нэгэн тамхи татдаг бол танд ямар мэдрэмж төрдгийг бас хуваалцаарай.
-Бусдадаа түгээж share хийж, таалагдсан бол LIKE дараарай.
#ilt #амьдралынДасгалжуулалт #TransformFamilyClub