"တိမ်ချည်မျှင်တစ်စ" ‌စာရေးသူ -‌ စိုးစံဝင်း(သာစည်) / LH စာစဉ် အတွဲ (၂၉)

Описание: စာအုပ်အသစ်၊ စာရေးသူ အသစ်တွေ လာမေးတဲ့ စာဖတ်သူတွေအတွက် ကျနော်တို့ Listener's Heaven ရဲ့ LH စာစဉ် အတွဲ (၂၉) မှ "စာရေးသူ - စိုးစံဝင်း(သာစည်)" ရဲ့ "တိမ်ချည်မျှင်တစ်စ" ဆိုတဲ့စာမူပဲဖြစ်ပါတယ်

"တိမ်ချည်မျှင်တစ်စ"
စာရေးသူ - စိုးစံဝင်း(သာစည်)
စာဖတ်သူ - နန်းသိင်္ဂီ
ကြာချိန် - ၁ နာရီ : ၁၆ မိနစ် : ၂၁ စက္ကန့်

စာမြည်း
၁၉၉၆-ခု၊ ဇွန်
နံနက်မိုးသောက် အချိန်ဖြစ်သည်။ နေထွက်တပြူဆိုတော့ အလင်းရောင်က အမှောင်ကို မဖြိုခွင်းနိုင်သေး။ နောက်ပြန်လေပြင်းတစ်ချက်အဝှေ့မှာ ထနောင်းပင်က ထနောင်းရွက်တို့ မြေခသက်ဆင်းနေကြသည်။ အရှေ့ဆီမှ မြေစာမြက်တို့က တိုးဝှေ့ ယိမ်းနွဲ့နေကြပြန်သည်။ ရှုမဆုံးလေသည့် လွင်ပြင်ကျယ်ထဲမှ ရွှေဝါရောင် နေကြာခင်းကြီးကို မြင်နေရသည်။ နေကြာပန်းတို့က ရှေ့သို့ငိုက်ကျနေသည်။
ထနောင်းပင်၊ မန်ကျည်းပင်တွေအောက် ကွက်ပြောက်ထိုးနေသော နေခြည်ဦး အလင်းရောင်ကို မှီခိုရင်း စက်ဘီးလေးတစ်စီး လမ်းမပေါ်တွင် သွားလာနေသည်။ ရှေ့မှနင်းနေသော ဦးမိုးမြင့်သည် ကြီးရင့်နေပြီ ထင်ရသော်လည်း အားမာန်အပြည့်ဖြင့် မျက်နှာတွင်လည်း ပီတိအပြုံးများ ဝေနေသည်။ နောက်မှ ထိုင်လျက်ပါလာသော မိုးသူကလည်း တက်ကြွလန်းဆန်း၍ အနာဂတ်တွေ၊ အိမ်မက်တွေ ရှေ့ခရီးမျှော်တွေးရင်း လိုက်ပါလာသည်။ ရွာအဝင်ဝ မှတ်တိုင်ကို ကျော်လာရင်း ရွာထဲသို့ ဝင်လာခဲ့သည်။ စက်ဘီးသည် မနှေးမမြန်သွားနေသည်။ မိုးသူသည် အိမ်သို့ရောက်ချင်စိတ်များ စောနေရသည်။ မိုးသူတို့ အိမ်ဝိုင်းထဲရောက်သည်နှင့် စက်ဘီးပေါ်ကနေ အိမ်ဝိုင်းလေးဆီသို့ ပြေးဆင်းသည်။
"အမေရေ သား... စာမေးပွဲအောင်တယ်ဗျ။ ဂုဏ်ထူး လေးဘာသာတောင် ပါတယ်"
မီးဖိုထဲမှ ထမင်းအိုးတည်လျက်နှင့် သားအသံကြား၍ ဒေါ်မြအေးတစ်ယောက် ယောက်မကြီးကိုင်ကာ အပြင်ဘက်သို့ ပြေးထွက်လာသည်။
"ဟုတ်လား... သားရယ် ပျော်လိုက်တာ၊ ငါ့သားလေး စာမေးပွဲအောင်တယ်တဲ့၊ ဝေမိုးတို့ မိထွေးတို့ရေ နင်တို့အစ်ကိုကြီး စာမေးပွဲအောင်တယ် တဲ့..."
ဒေါ်မြအေး တစ်ယောက် သားစာမေးပွဲအောင်သည်ဆိုသော အသိကြောင့် အပျော်ကြီးပျော်နေရှာသည်။ တောသူတောင်သား ကျောမွဲဘဝတွေဆိုတော့ မိဘအမွေဆို၍ ထားရစ်နိုင်ခဲ့သည်မှာ ပညာ အမွေသာဖြစ်သည်။ မရှိမဲ့ရှိမဲ့ကြားက သားကြီး လိုအပ်သည်များကို ချွေးစက်များ၊ မျက်ရည်စက်များဖြင့် ဖြည့်ဆည်းပေးခဲ့ရသည်။ စားလည်း သားစိတ်၊ သွားလည်း သားစိတ်နှင့်ပင် နေခဲ့သည်ချည်း ယခုတော့ သူမ ဆန္ဒတို့ ပြည့်ဝခဲ့ရပြီ။
"ဟေး...တို့ကိုကြီး စာမေးပွဲအောင်တယ်တဲ့။ ညီမလေးကို မုန့်ဖိုးပေး..."
"ကဲဟာ..."
ဝေမိုးက သူ့ကိုကြီး စာမေးပွဲအောင်လို့ပျော်နေချိန်မှာ တစ်ဆိတ်ရှိ မုန့်ဖိုးတောင်းဖို့ပဲသိသည့် ညီမငယ်ကို ထိပ်ခေါက်လိုက်သည်။
"အား... ကိုလေး သိပ်အနိုင်ကျင့်တာပဲ..."



ဝတ္ထု ကို အောက်ပါလင့်ခ် ကို နှိပ်ပြီး ဖတ်ရှုခံစားနိုင်ပြီဖြစ်ပါတယ်။
စာစဉ်ဖတ်ရန် နှိပ်ပါ
https://online.fliphtml5.com/zlxdu/Bi...


*ယခုအသံ file များကို ကြော်ငြာမပါဘဲ Mp3 နဲ့ ရယူချင်ပါက အဖွဲ့ဝင်ပြီး ရယူနိုင်ပါတယ်။
*အဖွဲ့ဝင်လိုပါက ဖော်ပြပါ Link ထဲရှိ Messenger (သို့မဟုတ်) Viber မှတဆင့် စာပို့ဆက်သွယ်နိုင်ပါတယ်။

🔰 https://fliphtml5.com/site/13979096/i...