മാഘ മാസ ക്രിയകളുടെ പരിസമാപ്തി ദക്ഷിണാക്രമം ലൈവ്

Описание: മഹാമാഘം – പൂർണ്ണതയിലേക്ക്... അഭിനവ ബാലഭയിരവാനന്ദ സ്വാമി എഴുതിയത് താഴെ ചേർക്കുന്നു 👇

തിരുനാവായയിലെ ക്രിയ എല്ലാം ഭംഗിയായി കലാശിച്ചു. സത്യം ക്രിയകളെല്ലാം വിചാരിച്ചതിലും ഭംഗിയായി, വന്ന ജനങ്ങളെല്ലാം നല്ലതു മാത്രമെ പറഞ്ഞിട്ടുള്ളു.

പക്ഷെ ക്രിയ പൂർത്തിയായിട്ടില്ല.. എന്താണ് ആ ക്രിയ...

ഇന്ന് ഒരു ആചാര്യനെ നാം ക്രിയയ്ക്ക് വിളിച്ച്, ആ ക്രിയ പൂർത്തിയാക്കുന്ന സമയം അദ്ദേഹത്തിന് ദക്ഷിണ സമർപ്പിച്ചാൽ തീർന്നു എന്നാണ് നാം ചിന്തിച്ച് വച്ചിരിക്കുന്നത്. എന്നാൽ അങ്ങിനെയല്ല.

ഉദാഹരണത്തിന് ആചാര്യവരണം ചെയ്ത് ദേശഹിതത്തിനു വേണ്ടി കർമ്മം ചെയ്യാമെന്ന് വാക്കു തന്ന ആചാര്യന്മാരെല്ലാം തന്നെ സ്വന്തം ഗുരു പരമ്പരകളുടെ അനുഗ്രഹത്തോടു കൂടി നാം പറഞ്ഞ സ്ഥലത്ത് വന്ന് അവരുടെ തപസ്സ് ദേവതാനുഗ്രഹരൂപത്തിൽ പകർന്നതുകൊണ്ടാണ് തിരുനാവയയിലെ ക്രിയ ഇത്രയും ഭംഗിയാക്കാൻ ഞങ്ങൾക്കായത്.

ക്രിയ ചെയ്ത ഓരോ വ്യക്തിയുടെ വീട്ടിൽ ചെന്ന് അവരുടെ ഗുരുപരമ്പരയേയും നമ്മളുടെ സ്ഥലത്തേക്ക് അനുഗ്രഹകലയായി നിന്ന അവരുടെ ദേവനേയും നമസ്കരിക്കുക കൂടി ചെയ്യുമ്പോഴെ ക്രിയ പൂർത്തിയാകൂ.

പാരമ്പര്യത്തിൽ ഇതിന് പല നിയമങ്ങളും പറയാറുണ്ട്. സാമാന്യം ക്രിയ കഴിഞ്ഞ് രണ്ട് പക്ഷങ്ങൾ അതായത് പൌർണ്ണമി മുതൽ അടുത്ത പൌർണ്ണമി വരെ നോക്കി, തുടർന്ന് അടുത്ത പത്തു ദിവസത്തിനുള്ളിൽ നമസ്കരിക്കുക എന്നതാണ് സാമാന്യരീതി.

ഈ രീതിയിൽ ക്രിയ കഴിഞ്ഞ് ആ ക്രിയ ചെയ്ത വ്യക്തികളുടെ ഗൃഹത്തിൽ ചെന്ന് ആ പരമ്പരയും ദേവതയും നമ്മളുടെ കൂടെ ഇനിയും ഉണ്ടാകണമെന്ന് പ്രാർഥിച്ച് അനുഗ്രഹം മേടിച്ച് ഇറങ്ങി നോക്കൂ....മനസ്സിനുള്ളിലെ ആനന്ദം രണ്ടുപേർക്കും, നമസ്കരിക്കുന്നവർക്കും നമസ്കാരത്തെ സ്വീകരിക്കുന്നവർക്കും മനസ്സിലാക്കാനാകും.

തന്റെ പരമ്പരയെ നമസ്കരിച്ചുപോകുന്ന വ്യക്തികളെ കാണുമ്പോൾ ക്രിയ ചെയ്ത വ്യക്തിയ്ക്ക് താനൊരു വ്യക്തിയല്ല പരമ്പരയുടെ ഭാഗമാണെന്ന് ഉറപ്പു വരും.. നമസ്കരിക്കുന്നവർക്ക് മനസ്സിലാകും താൻ ഒരു വലിയ പരമ്പരയേയും അവരുടെ ദേവനേയും ആണ് നമസ്കരിക്കുന്നത് എന്ന്... ഈ പാരസ്പര്യമാണ് ഏതൊരു ക്രിയയേയും പൂർണ്ണമാക്കുന്നത്....

ഈ ദിവസങ്ങളിലെ ഞങ്ങളുടെ യാത്ര തിരുനാവായയിൽ ക്രിയയ്ക്ക് വന്ന പരമ്പരകളെ നമസ്കരിക്കുന്നതിനുവേണ്ടിയാണ്. കേരളത്തിലങ്ങോളമിങ്ങോളമുള്ള ഓരോ പരമ്പരകളിൽ നിന്നും തങ്ങളുണ്ട് കൂടെയെന്ന അനുഗ്രഹം സ്വീകരിച്ചുകൊണ്ടൊരു യാത്ര. 🙏

അഭിനവ ബാലാനന്ദഭൈരവ






Sanathana Dharma Discourse Series by Harish Chandrasekharan,
renowned academician, a prolific writer and a devoted Devi Bhagavatha Navaha/Sapthaha Acharyan performing Yagnas as inscribed in vedas, hails from the city of 'Sri Padmanabha'-Thiruvananthapuram.

പ്രഭാഷകനെ കുറിച്ച് :
ശ്രീ ഹരീഷ് ചന്ദ്രശേഖരൻ- ശ്രീമദ് ദേവി ഭാഗവത നവാഹ ,സപ്താഹ ആചാര്യനുമായ ഇദ്ദേഹം കോളേജ് അധ്യാപകനും പ്രഭാഷകനും ആകുന്നു