Thierry & Joyce - Ós hart sjleit veur Limburg | LVK 2023

Описание: Titel: ÓS HART SJLEIT VEUR LIMBURG
Zangk: Thierry Dirkx en Joyce Vahsen
Teks: Theo Weijman
Meziek: Mark Willems
Arrangemènt: Joeri Kalkhoven
Sjtudio: Jerome Lenders Music en Studio Veier
Dank alleney dae aan dit projek hit mitgewirk!
______________________________________________

ÓS HART SJLEIT VEUR LIMBURG

Refrein 1:
Ós hart dat sjleit veur Limburg,
’t Zuuje geit ós aan de prie,
Wie dat mit Vastelaovend sjittert,
Daovan wurt jederein zo blie.

Koeplèt 1
Wo me wurt gebaore, op dees sjone welt,
Haet me neit veur ‘t keize, zo is mich dèks vertèld,
Is Limburg dien gebaortesjtreek, dan höbs te väöl gelök,
Dan woons te in ‘t paradies, dien laeve kènt neit sjtök

Refrein 2:
Want jao, ós hart dat sjleit veur Limburg,
’t Zuuje geit ós aan de prie,
Wie dat mit Vastelaovend sjittert,
Daovan wurt jederein zo blie.
ós hart dat sjleit allein veur Limburg,
Sjleit gans op hol, richtig van sjlaag.
Gein lank gezich, nemes verbitterd,
Allein mer sjpas mit al die daag….

Koeplèt 2
Van Kirchrao pès Valkeberg, Remunj en Peel & Maas,
Van Grubbevors pès in Mestreech, ouch dao gaeve ze gaas,
En Zitterd broesj van laeveslus, jao ummer get te doon,
’t Limburgs landj, geit baovenal, geweunweg wónjersjoon,
Vastelaovend krigs te dao nog gratis bie,
De Maskes zènge sjteevas hel gans blie,
Kóm mit ós mit, ’t wurt te dol,
Mit rood-gael-gruin oet ooze bol!

Refrein 3:
Want jao, ós hart dat sjleit veur Limburg,
‘t Zuuje geit ós aan de prie,
Wie dat mit Vastelaovend sjittert,
Daovan wurt jederein zo blie.
Ós hart dat sjleit allein veur Limburg,
Sjleit gans op hol, richtig van sjlaag.
Gein lank gezich, nemes verbitterd,
Allein mer sjpas mit al die daag.

Ós hart dat sjleit veur Limburg,
Sjleit gans op hol, richtig van sjlaag.
Gein lank gezich, nemes verbitterd,
Allein mer sjpas mit al die daag….