Սո՛ւրբ բարկություն ունեցիր 01/12/2023 Արմէն քահանա,

Описание: Բարկությունը մահացու մեղք է, երբ դու հանիրավի բարկանում ես մեկի վրա, որը հայտնվել է սատանայի ճանկերում։ Դու պետք է բարկություն ունենաս ո՛չ թե մարդու, այլ մեղքի նկատմամբ, որով բռնկվել է տկար մարդը։ Քո ներսի բարկությունը պետք է սուրբ լինի, որպեսզի մարդու փոխարեն մեղքը ատես։

«Երկրի վրայ կրակ գցելու եկայ»
Այսօրվա Ավետարանի պատգամով Տեր Հիսուս հիշեցնում է իր աշխարհ գալու նպատակը և իր խոսքը զարթուցիչ է այն քրիստոնյաների համար, որոնք թերացել կամ թերանում են իրենց հոգևոր պարտականությունների մեջ։
Մեր պատկերացմամբ երկրի վրա առաջացած կրակները պետք է անմիջապես հանգցնեն հրշեջները՝ հնարավորինս արագ, քանի որ կրակը լափում է ամեն ինչ, որ կա իր առջև։ Իսկ Տեր Հիսուս Քրիստոս կամենում է որ իր գցած կրակը արդեն բորբոքված լինի։ Այսինքն Աստծու խոսքը հոգևոր կրակ է, որը արդեն պետք է այրած լիներ իր ճանապարին հանդիպած ամեն մեղք ու անօրենություն։ նույն փոխաբերական իմաստները տեսնում ենք նաև հաջորդ համարներում։
«Երկրի վրայ կրակ գցելու եկայ»
Ավետարան ըստ Ղուկասի 12.49-59

49 «Երկրի վրայ կրակ գցելու եկայ եւ ինչքա՜ն եմ կամենում, որ արդէն իսկ բորբոքուած լինի: 50 Եւ մի մկրտութիւն ունեմ մկրտուելու եւ ինչպէ՜ս եմ շտապում, որ կատարուի: 51 Կարծում էք, թէ երկրին խաղաղութիւն տալո՞ւ եկայ. ո՛չ, ասում եմ ձեզ, այլ՝ բաժանում. 52 որովհետեւ մէկ տան մէջ այսուհետեւ հինգ հոգի իրարից բաժանուած պիտի լինեն՝ երեքը երկուսի դէմ եւ երկուսը երեքի: 53 Հայրը պիտի բաժանուի որդուց, եւ որդին՝ հօրից, մայրը՝ աղջկանից, եւ աղջիկը՝ մօրից, սկեսուրը՝ հարսից, եւ հարսը՝ իր սկեսրոջից»: 54 Ժողովրդին էլ ասաց. «Երբ տեսնէք, որ արեւմուտքից ամպ է ելնում, իսկոյն կասէք, թէ անձրեւ կգայ: Այդպէս էլ լինում է: 55 Եւ երբ հարաւի քամին փչի, կասէք, թէ խորշակ կլինի: Եւ այդպէս էլ լինում է: 56 Կեղծաւորնե՛ր, երկնքի եւ երկրի երեւոյթները քննել գիտէք, իսկ այս ներկայ ժամանակը ինչպէ՞ս չէք քննում: 57 Ինչո՞ւ դուք անձնապէս արժանին չէք ընտրում: 58 Երբ քո թշնամու հետ գնաս իշխանի մօտ, ճանապարհին հաշիւդ մաքրի՛ր, որ նրանից ազատուես, որովհետեւ գուցէ նա քեզ քարշ տայ դատաւորի մօտ, եւ դատաւորը քեզ բանտապահի ձեռքը յանձնի, եւ բանտապահն էլ բանտ նետի: 59 Ասում եմ քեզ. այնտեղից դուրս չես գայ, մինչեւ որ չվճարես վերջին գրոշը»:

Սոցիալական մեդիա:
Հայ առաքելական եկեղեցի


website www.fatherarmen.com
   / @fatherarmen  
Facebook.com/terarmen
Instagram.com/father_armen