Stop - 7 Mars 2024 (Emisioni i plotë)

Описание: Stop Tv Klan | Një format satiro-investigativ nga Saimir Kodra & Gentian Zenelaj.

“Kemi mbledh lekë”, çfarë dhuratash morën sivjet mësuesit për 7 Marsin

Sot është 7 marsi, dita e mësuesit. 30 mijë mësues në të gjithë vendin kremtojnë sot 137 vjet të arsimit shqiptar, qysh nga hapja e shkollës së parë shqipe në Korçë në 7 Mars 1887. Ne dolëm nëpër shkolla, ku edhe këtë vit, veç luleve, nuk munguan edhe dhuratat e shtrenjta për mësuesit.

“Na dëgjon komshiu pasthirrmat”, fqinji i hyn në ballkon me ndërtim pa leje

Ndodhemi në njësinë 14, te pallatet “Santi Shpk”, në Tiranë. Leonora Hasani thotë se jeton në Amerikë dhe vendosi të blejë një apartament në këtë zonë. Ajo thotë, se komshia ngjitur i ka bërë një kabinë xhami, duke iu futur në ballkon. Nga viti 2017 deri në 2023-shin, Leonora nuk kishte dijeni për këtë situatë. Kur u kthye nga Amerika zbuloi, që komshiu kishte bërë këtë ndërtimin, duke devijuar strukturën e pallatit. Në këtë pikë njoftoi specialistin dhe bashkinë dhe ato nisin IMT-në. Ky institucion i jep të drejtë, por në shkresë i thotë, se nuk është evidentuar ndërtim në proces. Kjo do të thotë, se rasti nuk kapur në flagrancë, ndaj dhe institucionet nuk kanë marrë asnjë masë.
Gazetarja e “Stop” njoftoi për këtë situatë, inspektorin e IMT-së, Gramoz Çela, i cili tha, se do ta trajtojë me prioritet, pasi të shohë dokumentacionin e palës tjetër. Çela tha, se do të marrë masa rikthimin e ndërtimit pa leje në gjendjen e mëparshme.

“As duart e mia nuk shoh”, i verbri kërkon kempin që nga dhjetori 2022-shit

Bashkëshortët Myftar dhe Lirije Djaloshi nga Puka na tregojnë se si para 4 vitesh Myftari ka humbur shikimin, moment pas të cilit, ata nisën procedurën për të dalë në kemp. Myftari është vizituar në Shkodër, ku i bënë letrat për kemp. Letrat kanë mbërritur në Tiranë, nga ku nuk ka marrë përgjigje që nga 11 dhjetori 2022. Myftari tregon se çdo shërbim ia bën bashkëshortja, pasi ai vetë nuk sheh as duart e veta. Ne morëm kontakt me shërbimin social shtetëror, ku na u premtua, se Myftar Djaloshi do të thirrej në komision javën e parë të marsit. E në fakt, zotëria u paraqit në komision në 5 mars dhe arriti pas kaq kohësh, që ta fitojë kempin.

SUBSCRIBE to “RTV KLAN” on YouTube for more videos!

Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni në faqen https://tvklan.al/video/
Follow Tvklan on Facebook:   / tvklan  
Follow Tvklan on Instagram:   / rtvklan  
Programet e Tv Klan mund t’i ndiqni edhe në faqen https://tvklan.al/programe/