Tv Klan - Shqiptarët po blejnë më shume makina të reja

Описание: Shqiptarët po blejnë gjithnjë e më shumë automjete. Sipas të dhënave nga Drejtoria e Përgjithshme e Shërbimeve të Transportit Rrugor, vetëm në muajin e parë të këtij viti janë regjistruar për herë të parë 6.895 automjete të reja.

“Ky trend ka ardhur gjithnjë në rritje. Mbizotërojnë autoveturat 82.3%. Në vend të dytë vijnë motorët, me 7.4%, rreth 5.673 autovetura dhe 513 motorë. Më pas vijnë kategoritë e tjera të automjeteve”, tha Drejtori i Përgjithshëm i DPSHTRR, Kreshnik Bajraktari.

Sipas kreut të DPSHTRR vihet re një diversitet në tregun e automjeteve, sa i përket origjinës së tyre, por edhe vitit të prodhimit, duke sjellë modernizim të flotës së automjeteve që qarkullojnë në rrugët e vendit. Nga të regjistruarat për herë të parë në janar, 4 mijë e 389 rezultojnë të përdorura dhe të blera jashtë Shqipërisë, 1 mijë e 37 janë mjete të reja dhe 814 elektrike.

“Nga Azia, Europa, përfshirë Italinë, Gjermaninë, Zvicrën dhe SHBA. Koreane dhe kineze. Tregu mbizotëron nga mjetet e importuara, vihet re një trend në rritje të mjeteve me moshë të re”.

Por çfarë pasqyron një treg në rritje i flotës së automjeteve?

“Lidhet drejtpërdrejt me rritjen e të ardhurave. Rritja e flotës pasqyrohet me rritjen e nevojës për lëvizshmëri, pra zhvillimi urban, zhvillimi i zonave periferike, rritja e aktivitetit tregtar. Gjithashtu shton edhe aktivitete të tjera që lidhen me automjetet, siç janë sektorë të tjerë, atë të shitjes dhe dhënies me qira të automjeteve, siguracionet apo autoserviset. Është edhe një tregues i realitetit social, që automjeti shihet si mjet autonomie”.

Pas Tiranës, numrin më të lartë të automjeteve të regjistruara për herë të parë në muajin janar e ka Durrësi dhe Fieri. Numri më i ulët rezulton në Sarandë dhe Gjirokastër, ku gjatë janarit janë regjistruar vetëm 100 automjete për herë të parë në këto dy qytete.

SUBSCRIBE to “RTV KLAN” on YouTube for more videos!

Email: [email protected]

Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni në faqen https://tvklan.al/video/
Follow Tvklan on Facebook:   / tvklan  
Follow Tvklan on Instagram:   / rtvklan  
Programet e Tv Klan mund t’i ndiqni edhe në faqen https://tvklan.al/programe/