Bloedrivier 2017

Описание: BUCKET LISTS. Elkeen van ons se lewens lysies, opgemaak uit adrenalien aktiwiteite , eksotiese wêreldreise of ontmoetings met bekende persone. Maar as dit vir jou bedoel was om 'n blanke Afrikaner te wees, kan jy dalk n paar van hierdie dinge een plekkie afskuif op jou "must do" ranglys. Plekmaak vir 'n ander een. Dalk probeer om vir 'n paar dae al jou politieke oortuigings, wat dit ookal mag wees, te vergeet en in die middel van 'n Desembermaand, in die walaer op Bloedrivier te gaan staan.
Die kans dat jy perongeluk by Bloedrivier gaan verby ry is maar skraal, so jy sal dit moet beplan, jy moet aspris gaan.
Miskien kry jy vir jou moeite darem iets kleins daaruit. Soos om weer vir n slag saam met jou gesin of vriende te kamp, 'n vuur te maak en onder die sterre te kuier. Of dalk net om jou kinders te leer hoe maak mens 'n stroom in n plaasdam op n warm somers middag ...
Maar miskien begin die sing van n ou volksliedjie jou emosies so effens roer... jy onthou dalk dinge wat jou pa jou geleer het toe jy nog self kind was, of miskien belowe jy jouself om in die jaar wat kom, moeite te doen om vir die eerste keer saam met jou seuns te gaan kleilat speel ..
Miskien by die aanhoor van 'n ou bekende heldeverhaal kom n stukkie trots in jou weer terug, daai soort wat jy die laaste keer seker in jou oupa se oë gesien het as hy oor ons mense gepraat het ...
Dalk, soos jy tussen die 63 brons waens deurloop en probeer verstaan hoe 800 osse, 400 perde en 470 boere en helpers hier binne moes inpas, beweeg, opereer en oorleef, begin jy dalk anders dink oor jou eie probleme, kwessies, al jou "moet hê" dinge ...
Jy gee slegs 40 treë van die waens af in die veld in, en met die omkyk slag wil jy amper nie eers dink hoe dit moes voel om so naby aan derduisende zoeloe krygers wat in die riete hurk te lê nie, die hele mistige nag deur, wagtend op 'n aanvals opdrag ... miskien ontdek jy hier weer daardie boere dapperheid in jou, daar waar dit nog al die tyd was, diep in jou DNA ingevleg ....
So voor jy uit daai vliegtuig uit spring of jou kaart swipe vir 'n Maldives vakansie, kom sit eers op 'n klip hier langs die Ncome rivier. Terwyl jy uitkyk oor die Natalse heuwels, laat jou gedagtes toe om te maal met al die detail van die veldslag van 16 Desember 1838 , dalk dan, ontmoet jy hier weer dieselfde Groot Wonderwerker as 179 jaar terug ...