Тушда доллар, сўм ва бошқа пуллар кўриш

Описание: Тушда қоғоз пул ва доллар кўриш
Пул билан боғлиқ жуда кўп иримлар, мақол ва нақллар қатори туш таъбирлари кўпчиликни қизиқтиради. Хўш, тушда қоғоз пуллар, хориж валюталарини кўришнинг таъбири қандай?
Тушда қўлда қоғоз пул ушлаш – фойдали таклифни қўлдан чиқармаслик учун ҳушёрликни оширишга, пул санаш – моддий аҳволингиз яхшиланиши, келажакдаги даромадга ишора экан.
Пул топиб олиш – ўнгда оқибати яхшилик билан тугайдиган қийинчиликлар, нохушликлардан дарак беради. Пул ўғирлаш – реал ҳаётдаги хатардан огоҳлантиради. Пул яшириш – обрў-эътиборидан хавотирланиш, пул ютиб олиш – ўйланмаган қарорларга келиш, пул олиш – пул ёки буюм кўринишида рағбат, совға олиш, ердан сочилган пулларни териб олиш – омадсизликка, қайта-қайта пул санаш – жисмоний ва руҳий чарчоқ, бойликни йўқотиш, миллий валютани долларга алмаштириш ҳаётда тўғри қарорга келишга ишора.
Тушга кирган пулларнинг қанақалиги ҳам эътиборга олинади. Катта пуллар – тез орада ҳаётингизда омадли давр бошланишидан дарак берса, сохта пулларни туш кўрган киши ўнгида моддий аҳволи ёмонлашиб қолмаслиги учун харажатларини тўғри бошқариши керак.
Тушда доллар ёки евро кўриш – кутилмаган йўқотишлар, банкротликдан огоҳлантиради.
Тушга кирган пул кўп миқдорда бўлса – агар туш кўрган одам бу пулларга бефарқ қараган бўлса, бу ҳаётда барқарор давр, руҳий хотиржамлик пайти келишини билдирар экан.
Тушда сувга тушган пулни кўриш – ухлаётган кишининг обрўсига путур етиши мумкинлигидан огоҳлантирса, сумкадаги пуллар – жамғармангизга кўпроқ эътибор қаратишингиз кераклигига ишора. Ҳамёндаги пуллар – кутилмаган харажатлар ва муваффақиятсизлик бўлса, чемодандаги пул – азалий орзуларнинг ушалишидан дарак.
Тушда доллар санаш – омад, йирик қийматдаги купюраларни кўриш – ухлаётган киши ўз олдига қўйган мақсадларига етишини билдиради.
Янги босиб чиқарилган, ўрамдаги долларни тушда кўриш ўнгда ёқимли совғани билдирса, ишхонада маошни долларда берилиши – ойлик маошингиз ошишига ишора.

Агар киши тушида катта қопларда доллар кўрса – унинг ҳаётида ҳаяжонлар даври бошланади.
Хориж валютаси купюралари ўрамини кўрса, туш кўраётган киши ҳар доим вазиятни ўз назоратида ушлаш ва ишда катта обрўга интилади.
Ҳамкоридан валюта олиш – кичик ҳисса билан катта даромад олиш истагини билдирар экан.

Йирик қийматдаги яп-янги доллар банкноталари ҳокимиятни, майда ёки ғижимланган пуллар ташвишни билдиради. Йиртилган валютани тушда кўрсангиз, ўнгда атрофингиздаги кишилардан ҳафсалангиз йўқолади. Ўрамдаги долларларни тахлаш – ишдаги лавозим ошишидан дарак беради. Инглиз таъбирчилари тушда доллар ёки еврони совғага олишни узоқ вақт ёдда қоладиган қувончли ҳодисалар яқинлигидан деб таъбирлайдилар. Тушда харид учун тўлов қилаётганда ҳамёнингизда миллий валюталар ўрнига доллар пайдо бўлиб қолганини кўрсангиз, ўнгда шахсий сифатларингизни ривожлантиришга кўпроқ вақт ажратинг.

Агар ухлаётган киши тушида бегона юртда пулсиз қолиб кетгани ва доллар қарзга олганини кўрса, бундай туш ўнгда бошқара олмай қоладиган вазиятга тушиб қолиши мумкинлигини билдиради.
Эркак киши кетма-кет ҳар куни тушида хориж валютасини кўраверса, бу ўнгда унинг оилавий ҳаётидан қониқмаётганидан бўлиши мумкин.
Ислом туш таъбирларида тушда пул кўриш яхши ишора деб ҳисобланади. Яъни тушда пул кўрган киши ўнгида ҳам Аллоҳнинг чексиз меҳрибонлигидан баҳраманд бўлади. Пуллар моддий тўкинлик ва фаровонлик, ишларда омад, вазиятларда устунлик сифатида тушга киради. Агар тушида пул кўрган киши бундан ҳузур туйса ва уйғонгандан кейин ҳам ёқимли туйғулар таъсирида қолса – бундай туш унга ҳалол жойдан даромад, пул мукофотлари келишини билдиради. Уйланмаган йигитлар учун тушда пул кўриш омадли никоҳга ишора. Аммо тушда пул йўқотиш бироз хавотирга сабаб бўлиши мумкин, чунки бу ўнгда ҳам йўқотишлар, молиявий қийинчиликлар, ғараз ниятли кишилар ва душманлар пайдо бўлишини билдиради.
Таниқли ислом туш таъбирчиси ибн Сирин айтган эдики, тушга пул кириши кириши кишининг муаммоларни ҳал қилиш ва қийинчиликлардан қутулишга интилиши сабабли юз беради. Киши тушида пулларни шамолга учирса, ўнгда харажатларига эътиборли бўлиши кераклиги айтилади. Яна тушга пул кириши мискинларга садақа беришга ишора бўлиши ҳам мумкин.