Librazhd, rrëshqitja e tokës rrezikon 150 banorë të fshatit Polis - (18 Janar 2009)

Описание: Lajme atkiva 2009

Një masiv i madh dheu ka rrëshqitur duke rrezikuar jetën e më shumë se 150 banorëve të fshatit Polis në rrethin e Librazhdit. Në orët e para të ditës së sotme banorët e dhjetëra familjeve janë zgjuar të alarmuar pasi kanë parë muret e shtëpive të tyre të çahen. 10 prej këtyre familjeve janë evakuuar menjëherë tek të afërmit e tyre, ndërkohë që gjendja mbetet kritike dhe për 15 të tjera. Lëvizja e tokës bllokoi edhe rrugën kryesore duke izoluar më shumë se 1000 banorë.

“Të gjitha shpiat e ... për tu larguar, tani ra masivi më i madh me shembje. Janë familjet poshtë që rrezikohen në çdo orë, në çdo minutë”.

“Siç ne shikoni dhe vetë që ka ardh gjendja shumë e vështirë. Bile nja 15 shpi janë në rrezik, shumë rrezik. Siç e shikoni edhe për fëmijët shumë rrezik është”.

Veli Terziu: “Gjendja është shumë alarmante. Këtu ka një lëvizje të territorit nëpërmjet fshatrave ... rruga është bo e pakalueshme, njëkohësisht rrezikohet gjithë lagjja Qafë Dardhë prej 35 shpiash”.
Në këtë zonë mbërritën menjëherë përfaqësues të pushtetit vendor të cilët premtuan ndihmë paraprake për banorët. Shumë shpejt ky fenomen do të shqyrtohet dhe nga ekspert të institutit sizmologjik.

Mustafa Rapi: “Menjëherë u lidha me shefin e emergjencave të prefekturës Librazhd për të marrë masat e para paraprake. Megjithatë erdha në vendin e ngjarjes, shikojmë se kemi një rrëshqitje masive të një trungu, trupi të madh dhe puna parë që morëm në kontakt me kryetarin e komunës dhe me kryeplakun e fshatit ishte sistemimi i familjeve që rrezikohen nga shembja”.

Sipas banorëve, rrëshqitja e tokës në këtë zonë ka filluar që në vitin 2003, e deri në gjetjen e një zgjidhje pjesa më e madhe e këtij fshati do të vazhdojë të jetoj mes frikës./tvklan.al


SUBSCRIBE to “RTV KLAN” on YouTube for more videos!

Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni në faqen https://tvklan.al/video/
Follow Tvklan on Facebook:   / tvklan  
Follow rtvklan on Instagram:   / rtvklan  
Programet e Tv Klan mund t’i ndiqni edhe në faqen https://tvklan.al/programe/