Ya nkumi yo kwa Mwene Rubaduka (+lyrics) - Soso Mado - Rwanda

Описание: **Uwamenya title nyayo y'iyi ndilimbo yandya akara, murakoze!*
Ya nkumi yo kwa mwene Rubaduka yabajije nyina iti:
Ese mama umukobwa abona umugabo bigenze bite ?
Nyina araseka amusubiza aliko
Ati: mwana wanjye dore uracyari mutoya
Tegereza iminsi ni mike!

Umukobwa ati ashwi da!
Irya nyina we yarisuzuguye.
Jugujugu n'i Kigali
Yihurira n'agasore
Umuntu yakwita...akanyamugi.

Kubera icyizere cy'umukunzi aah!
Umukobwa yari yifitiye umutungo umuhagije
Agenda awumwereka buhoro buhoro.

Hashize igihe, umukobwa yigira imahanga
Aliko kubera urukundo, icyizere n'urukumbuzi
Wa mutungo ajya awumwohererezamo ibintu weee
Ngo Nyamusore abicuruze
Bunguke bityo bateganya
Ngo kuzabaho neza kwa bombi !

Reka mbasetse:

Umukobwa akohereza,
Umusore ati kwitamika ndabizi

Umukobwa yakoreza urwandiko abaza niba bigenda neza;
Umusore agasubiza ati:
Byose ni munange!!!

Umwaka umwe urashize,
Niko umukobwa amwoherereza.

Ibiri ngiyi irashize
Niko umusore agenda asubiza ko byose ali sawa sawa !

Uwa gatatu umukobwa arahindukiye
Asanga urukundo rwarahindutsemo
Ibinyoma n'ubugome, iyeweeeeeeehhhhh

Yihutira kubisobanurira nyina
Arira ayo kwarika
Nyina aramusubiza ati
N'ubundi umuntu utabizi yicwa no kutabimenya
Irya mukuru riratinda aliko ntirihera mwana wanjye!
Cyakora nkugiriye inama yo kwitabaza inkiko.

Ku bw'amahirwe weee
Nyamukobwa yaraburanye arabitsindira
Yanze uwo musore
Ku buryo yarahiye no kuzashaka na rimwe !

Yooo, mbega umusore w'umuhemu...
Yooo, mbega umusore w'umugome....