هذي طرات العمر جديد الفنان غازي كلمات الشاعر سالم المزيني الحربي تصميم العفراني البقمي
Автор: قناة العفراني البقمي
Загружено: 2024-09-29
Просмотров: 50075
Описание:
البرق يبرق والرعد له ترزام
جتني علوم الغيث يامحترينه
إصبر لها بعد المطر عشرة ايام
ويبين وجه العشب يامدورينه
نبيلنا رحله مثل رحلة العام
من العويقيله ليا حد لينه
حب الشمال يتلني تل قدام
تل العواصف في شراع السفينه
يبغالنا مع فجة النور مجهام
على طريقٍ كلكم عارفينه
مع الخطوط اللي تقل رسم رسام
في لوحةٍ يوم اعرضوها ثمينه
بين المزارع كنها اخطوط الاقلام
معروجات احيان واحيان زينه
على الجيوب اللي تصرم تصرام
مثل القطاء لا حس للرمي عينه
من فوقهن كل ابلجٍ ذرب مقدام
صدره وسيع ولاعقد حاجبينه
الكل منهم نافذ روس الاكمام
كلن يبي بالشغل تسبق يمينه
هاذي طراة العمر قدام هدام
العمر مره لاتفوت سنينه
فل الحجاج وسج بالارض الاقدام
لاتنطوي بالبيت مثل الرهينه
والرزق عند اللي ليانمت مانام
متكفل برزقك وترعاك عينه
انا ليا حققت شي من الاحلام
ماشغلت نفسي باق الاحلام وينه
اسج رجلي مع مطانيخ واحشام
الهم خلف اظهورهم حاذفينه
في ديرةٍ ماشبكوها باالاسيام
قفرٍ مرويها السحاب ابغشينه
مشيٍ مع الروض الخضر طب الاسقام
وعلاج كتمات الصدور الحزينه
لياسمعت الطير ساجع بالانغام
كن الفرح مقسوم بيني وبينه
احزن على اللي قاعدٍ ماسك الزام
بين الدوام وزحمةٍ بالمد ينه
صابر على تصريف وقته والاحكام
ما احدٍ يلومه لكن الله يعينه
سالم المزيني
Повторяем попытку...
Доступные форматы для скачивания:
Скачать видео
-
Информация по загрузке:
