Փաշինյանը ոչինչ չի անում երկրի համար․ հարցում՝ Ապարանում
Автор: Alpha News Armenian news network
Загружено: 2026-03-06
Просмотров: 348
Описание:
#alpha_news #Ապարան
Արագածոտնի մարզի Ապարան քաղաքում անցկացված հարցման ժամանակ բնակիչները դժգոհություն են հայտնել ներկայիս իշխանությունների վարած քաղաքականությունից՝ ընդգծելով անվտանգային խնդիրներն ու պետական անտարբերությունը։
Հարցման մասնակիցները, որոնց թվում կային Արցախյան պատերազմների մասնակիցներ և զինվորների ծնողներ, նշում են, որ պետությունն անտարբեր է զինծառայողների առողջական խնդիրների նկատմամբ։
«Պետությունը չի գնահատում այն զինվորին, ով արյուն է թափել հայրենիքի համար»,- ասում է հարցման մասնակիցներից մեկը։
Պատերազմի մասնակից մի զինվորի հայր էլ պատմում է, որ 44-օրյա պատերազմին մասնակցած որդին այսօր առողջական լուրջ խնդիրներ ունի, սակայն պետությունը հրաժարվում է հոգալ նրա վիրահատության ծախսերը․ «1991 թվականից ծառայել եմ, տղաս էլ Ջաբրայիլում է եղել 2016-ին և 2020-ին։ Այսօր նա առողջական խնդիրներ ունի, հիվանդանոցում գումար են ուզում, ոչ մի բան հաշվի չեն առնում»:
Բնակիչները նաև մատնանշում են, որ թոշակներն ու նպաստները բավարար չեն տարրական կարիքները հոգալու համար։ Հարցվածներից մեկն ասում է, որ 2018-ին ինքն ուղղակի հիվանդացել էր՝ մտածելով, որ Փաշինյանը պետք է գա իշխանության, սակայն այսօր պատկերը տրամագծորեն այլ է․ «Ինչի՞ մասին խոսեմ հետը, եթե հանդիպեմ, ի՞նչը պիտի փոխվի։ Մարդիկ սեփական ժողովրդին զրկեցին իրենց պատմական հայրենիքից ու իրավունքներից»:
«Փաշինյանին ասելու բան չունեմ, նա ոչինչ չի անում երկրի համար։ Կասեմ միայն՝ պարով եկար, պարով էլ գնա»,- ասում է հարցման մեկ այլ մասնակից:
Повторяем попытку...
Доступные форматы для скачивания:
Скачать видео
-
Информация по загрузке:
