24 ноября 2025 г.

Описание: Andijon viloyatida Osiyo taraqqiyot banki tomonidan moliyalashtirilayotgan “Iqlim sharoitiga mos suv ta’minoti va kanalizatsiya xizmatlarini ko‘rsatish” loyihasi doirasida ekologik talablarga rioya etilishi va aholining fikr-mulohazalarini o‘rganish maqsadida jamoatchilik eshituvlari o‘tkazildi.
Eshituvlar Qo‘rgontepa, Xo‘jaobod, Jalolquduq, Oltinko‘l, Andijon va Asaka tumanlarida tashkil etilib, unda loyiha mazmuni, asosiy yo‘nalishlari, kutilayotgan natijalari hamda ekologik ta’siri haqida batafsil ma’lumot berildi.
Tadbirda Ekologiya va iqlim o‘zgarishi milliy qo‘mitasining viloyat boshqarmasi va tuman bo‘limlari vakillari, mahalliy hokimliklar mutasaddilari, “Suvta’minot” AJning tegishli filiallari xodimlari, “Nazar Business and Technology” MCHJ mutaxassislari, OTB ekspertlari, muhandis-ekologlar, mahalla raislari, NNT vakillari, tadbirkorlar hamda aholi ishtirok etdi.
Eshituvlarda quyidagi masalalar muhokama qilindi:
• suv tarmoqlari va infratuzilmalarni joylashtirish rejasi;
• qurilish va rekonstruksiya ishlari hamda xavfsizlik choralarining taqdimoti;
• ekologik monitoring tizimi va xavflarni kamaytirish mexanizmi;
• atrof-muhitga ehtimoliy ta’sir va uni minimallashtirish bo‘yicha chora-tadbirlar;
• sanitariya holatini yaxshilash, xizmat sifati va aholiga yaratiladigan qulayliklar.
Aholi tomonidan bildirgan savollar va takliflar yozma ravishda qayd etildi hamda loyiha hujjatlariga kiritish uchun ko‘rib chiqildi.
Jamoatchilik eshituvlarining o‘tkazilishi loyiha ochiqligi va shaffofligini ta’minlab, mahalliy aholi manfaatlarini inobatga olgan holda ekologik talablarga to‘liq moslashtirishga xizmat qildi. Jarayon yakunida loyiha yanada takomillashtirilib, ekologik xavfsizlik bo‘yicha qo‘shimcha takliflar ishlab chiqildi va mahalliy hamjamiyatning qo‘llab-quvvatlashi mustahkamlandi.