नेपालको संविधान भाग ४ राज्यका निर्देशक सिद्धन्त, नीति तथा दायित्व धारा ५१ र ५२ भाग २

Описание: यहाँ नेपालको संविधान भाग ४ को धारा ५१: राज्यका नीति अन्तर्गत ड सम्मको भाग प्रस्तुत गरिएको छ:

धारा ५१: राज्यका नीति
राज्यले देहायका नीति अवलम्बन गर्नेछः

(क) राष्ट्रिय एकता र राष्ट्रिय सुरक्षा सम्बन्धी नीति:
(१) नेपालको स्वतन्त्रता, सार्वभौमसत्ता, भौगोलिक अखण्डता र स्वाधीनताको संरक्षण गर्दै राष्ट्रिय एकता अक्षुण्ण राख्ने।
(२) विभिन्न जात, जाति, धर्म, भाषा, संस्कृति र सम्प्रदायबीच पारस्परिक सद्भाव, सहिष्णुता र ऐक्यबद्धता कायम गरी संघीय इकाइबीच परस्पर सहयोगात्मक सम्बन्ध विकास गर्दै राष्ट्रिय एकता प्रवर्द्धन गर्ने।
(३) राष्ट्रिय सुरक्षा प्रणालीको विकास गरी शान्ति सुरक्षाको व्यवस्था गर्ने।
(४) समग्र मानवीय सुरक्षाको प्रत्याभूति गर्ने।
(५) राष्ट्रिय सुरक्षा नीतिका आधारमा नेपाली सेना, नेपाल प्रहरी, सशस्त्र प्रहरी बल नेपाल लगायत सबै सुरक्षा निकायलाई सबल, सुदृढ, व्यावसायिक, समावेशी र जनउत्तरदायी बनाउने।
(६) राष्ट्रिय आवश्यकता अनुसार नागरिकलाई राष्ट्रको सेवा गर्न सक्षम बनाउने।
(७) पूर्व कर्मचारी, सैनिक र प्रहरी लगायतका पूर्व राष्ट्रसेवकहरूमा रहेको ज्ञान, सीप र अनुभवलाई राष्ट्रिय हितमा समुचित उपयोग गर्ने।

(ख) राजनीतिक तथा शासन व्यवस्था सम्बन्धी नीति:
(१) राजनीतिक उपलब्धिको रक्षा, सुदृढीकरण र विकास गर्दै आर्थिक, सामाजिक तथा सांस्कृतिक रूपान्तरणका माध्यमबाट जनताको सर्वोत्तम हित र समृद्धिको प्रत्याभूति गर्ने।
(२) मानव अधिकारको संरक्षण र संवर्द्धन गर्दै विधिको शासन कायम राख्ने।
(३) नेपाल पक्ष भएका अन्तर्राष्ट्रिय सन्धि सम्झौताहरूको कार्यान्वयन गर्ने।
(४) सार्वजनिक प्रशासनलाई स्वच्छ, सक्षम, निष्पक्ष, पारदर्शी, भ्रष्टाचारमुक्त, जनउत्तरदायी र सहभागीमूलक बनाउँदै राज्यबाट प्राप्त हुने सेवा सुविधामा जनताको समान र सरल पहुँच सुनिश्चित गरी सुशासनको प्रत्याभूति गर्ने।
(५) आमसञ्चारलाई स्वच्छ, स्वस्थ, निष्पक्ष, मर्यादित, जिम्मेवार र व्यावसायिक बनाउन आवश्यक व्यवस्था गर्ने।
(६) संघीय इकाइबीच जिम्मेवारी, स्रोत साधन र प्रशासनको साझेदारी गर्दै समुचित र सहयोगात्मक सम्बन्धको विकास र विस्तार गर्ने।

(ग) सामाजिक र सांस्कृतिक रूपान्तरण सम्बन्धी नीति:
(१) स्वस्थ र सभ्य संस्कृतिको विकास गरी सामाजिक सद्भावमा आधारित समाजको निर्माण गर्ने।
(२) ऐतिहासिक, पुरातात्त्विक तथा सांस्कृतिक सम्पदाको संरक्षण, संवर्द्धन र विकासका लागि अध्ययन, अनुसन्धान, उत्खनन तथा प्रचार प्रसार गर्ने।
(३) सामाजिक, सांस्कृतिक तथा सेवामूलक कार्यमा स्थानीय समुदायको सक्रियताको प्रवर्द्धन र परिचालन गरी स्थानीय जनसहभागिता अभिवृद्धि गर्दै सामुदायिक विकास गर्ने।
(४) राष्ट्रिय सम्पदाको रूपमा रहेका कला, साहित्य र संगीतको विकासमा जोड दिने।
(५) समाजमा विद्यमान धर्म, प्रथा, परम्परा, रीति तथा संस्कारका नाममा हुने सबै प्रकारका विभेद, असमानता, शोषण र अन्यायको अन्त्य गर्ने।
(६) देशको सांस्कृतिक विविधता कायम राख्दै समानता र सद्भावको आधारमा विभिन्न जातजाति र समुदायको भाषा, लिपि, संस्कृति, साहित्य, कला, चलचित्र र सम्पदाको संरक्षण र विकास गर्ने।
(७) बहुभाषिक नीति अवलम्बन गर्ने।

(घ) अर्थतन्त्र, उद्योग र व्यापार सम्बन्धी नीति:
(१) सार्वजनिक, निजी र सहकारी क्षेत्रको सहभागिता र स्वतन्त्र विकासमार्फत राष्ट्रिय अर्थतन्त्र सुदृढ गर्ने।
(२) अर्थतन्त्रमा निजी क्षेत्रको भूमिकालाई प्रोत्साहन गर्दै उपलब्ध साधन र स्रोतको अधिकतम परिचालन गरी आर्थिक समृद्धि हासिल गर्ने।
(३) सहकारी क्षेत्रलाई प्रवर्द्धन गर्दै राष्ट्रिय विकासमा अतुलनीय योगदान पुर्‍याउने।
(४) स्वरोजगारलाई प्रोत्साहन गर्दै आर्थिक सशक्तीकरणको वातावरण निर्माण गर्ने।
(५) औद्योगिक उत्पादन र उत्पादकत्वमा वृद्धि गरी रोजगारी सिर्जना गर्ने।

(ङ) कृषि र भूमि सुधार सम्बन्धि नीति
च विकास सम्बन्धि नीति
छ प्राकृतिक साधन स्रोतको संरक्षण संवर्द्धन र उपयोग सम्बन्धि नीति
ज नागरिकका आधारभूत आवश्यकता सम्बन्धी नीति
झ श्रम र रोजगार सम्बन्धि नीति
ञ सामाजिक न्याय समावेशिकरण सम्बन्धी नीति
ट न्याय र दण्ड व्यवस्था सम्बन्धी नीति
ठ पर्यटन सम्बन्धि नीति
ड अन्तराष्ट्रिय सम्बन्ध सम्बन्धि नीति
#धारा५१
#नेपालसंविधान
#विदेशनीति
#अन्तर्राष्ट्रियसंबन्ध
#शान्तिपूर्णसहअस्तित्व
#नेपालकोविदेशनीति
#विश्वशान्ति
#कृषि_र_भूमि_सुधार_नीति
#विकास_सम्बन्धि_नीति
#प्राकृतिक_साधन_स्रोत_को_संरक्षण_संवर्द्धन_र_उपयोग_नीति
#नागरिक_का_आधारभूत_आवश्यकता_नीति
#श्रम_र_रोजगार_सम्बन्धि_नीति
#सामाजिक_न्याय_समावेशिकरण_नीति
#न्याय_र_दण्ड_व्यवस्था_नीति
#पर्यटन_सम्बन्धि_नीति
#नेपालअन्तर्राष्ट्रिय
#संविधानधारा५१
#नेपालविदेशनीति
#धारा५१
#Article51Nepal
#ConstitutionOfNepal
#DiplomaticRelations
#ForeignPolicy
#PeacefulCoexistence
#Article51NepalConstitution
#InternationalRelations
#DiplomaticGoals
#GlobalPeace