Tv Klan - Avokatët e krerëve të UÇK: Asnjë provë për fajësinë e tyre

Описание: Në Gjykatën Speciale të Hagës ishte radha e gjyqtarëve të kërkonin sqarime nga avokatët mbrojtës dhe nga prokurorët mbi akuzat e ngritura ndaj ish-krerëve të UÇK-së. Avokati mbrojtës i Hashim Thaçit bëri të qartë që në fillim se barra e provës i takon Prokurorisë dhe se ajo dështoi të mbështeste pretendimet e saj.

“Tribunali i Hagës konkludoi se udhëheqësi serb, Milutinoviç, nuk kishte përgjegjësi penale në Kosovë, pasi ishte një figurë politike që nuk pati kontroll në forcat e RFJ-së. Prokuroria po ju kërkon të konkludoni se, pavarësisht se një udhëheqës serb i një shteti të organizuar nuk ka pasur përgjegjësi penale për krime lufte e krime kundër njerëzimit, ju duhet të konkludoni se udhëheqësi i shqiptarëve të Kosovës, një grup i armatosur për disa muaj, ka pasur kontroll e përgjegjësi. Kjo do të ishte padrejtësi historike”.

Rodni Dikson, avokati që mbron Kadri Veselin, u shpreh se prokuroria anashkalon krimet që ka bërë ushtria serbe në Kosovë, pasi ata nuk ishin dele që kalonin rrugën në qetësi gjatë natës.

“Prokuroria nuk ka asnjë provë kundër Veselit, ndaj i duhet të shpërndahet në të gjitha çështjet si në cirk. Dëshpërimi të bën qesharak kur nuk ke prova. Provat janë e vetmja rrugë që duhet të ndjekin prokurorët; nëse nuk ke prova, mos ngri aktakuzë”.

Mbrojtja e Jakup Krasniqit theksoi se kërkesa për një dënim 45-vjeçar është jashtë çdo logjike.

“Jakup Krasniqi është njeri krejt ndryshe. Nuk është njëlloj si Millosheviçi. Për aktivizimin e tij, Jakup Krasniqi e ka paguar shtrenjtë. Ai ka kaluar 10 vjet si i burgosur politik, ku ka pësuar tortura dhe keqtrajtim të rëndë në kushte të tmerrshme në burgjet e autoriteteve jugosllave”.

Ndërsa avokati i Rexhep Selimit e sfidoi Prokurorinë Speciale, duke thënë se me akuzat e ngritura shkohet deri te emri i Adem Jasharit.

Sipas prokurorisë, edhe Adem Jashari është një anëtar i pretenduar i Ndërmarrjes Kriminale, por nuk ia përmendin emrin.
“Nuk mund të diskutosh thelbin e Ndërmarrjes së Përbashkët Kriminale dhe të pretendosh që çdo anëtar i lartë në UÇK paska qenë pjesë e kësaj ndërmarrjeje”.

Pas dhënies së plotë të sqarimeve nga avokatët, do të jetë radha e të akuzuarve të shprehin pretendimet e tyre dhe më pas Gjykata Speciale do të tërhiqet për të marrë vendimin.

SUBSCRIBE to “RTV KLAN” on YouTube for more videos!

Email: [email protected]

Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni në faqen https://tvklan.al/video/
Follow Tvklan on Facebook:   / tvklan  
Follow Tvklan on Instagram:   / rtvklan  
Programet e Tv Klan mund t’i ndiqni edhe në faqen https://tvklan.al/programe/