ذخر هباس 2023 - يابن عريعر عريعر على شوطه سقه - هزاع الخالدي - مباراك الودعاني

Описание: دورو لي .. ( معـزل ) من العرب فيه استكن
( بـ اتخلوا بـ القريحه ) و ( اجيب معلقه )

بـ احترف واخطف بها ( لُـب سامعهـا ) بـ فـن
و اربط ، الابـداع ،بـ ( اسمـي ) يلين ( اوثقـه )

بـ استعيد الروح فـ ( الشعر ) ، لو ( انه اندفـن )
( واخذه بـِ يـده ) من اللي ( عبث به ) واعتقـه

يعرف ( المتمكـن ) مْن الشعر ، ( والممتهـن )
من بداية ( مطلعه ) فـ القصيده ( تفرقـه )
ـ
مٌدرك : اني شاعرً .. ( فطن ) اللي ( ما فطن )
ومؤمن ان ( الساحه ؟ لـ ( طلتي متشفقه )

( ترتوي مني ذاويـق ) و ( يغـذا بي ذهـن )
( الشعور استشعره ) و ( الخيال استنطقه)

اختلف : مع من يقول ان فـ( لشعار جن )
و اتفق : لاا قالو ان ( اعذب الشعر ) ، اصدقه

مستعد ، ابني على ( الغبه الزرقا ) مدن
لالقيت اللي ( يغرف البحر ) بـ الملعقه !!

ولا بدا ، شـان ( الخـوالـد ) وقالو لـي ، تغن
( اتغنـا مـن رهـاوه ) و ( اوقـف من ثـقـه )

( قربـو الهـدلا ) بـلا سرج .. و بليـا رسن
كان كـلٍ !! ( عـن خيلـه .. وزهـب بندقـه )

شاربٍ ما يدسم الا على جال الصحن !!
ما على راعيـه ( مشـروه ) لـو يحلقـه

واليمين .. اللي عليها ( يصبون السمن )
في لزوم ( اخوان شما ) ماهيب معوقه

احتزم بي .. يا ( بـن عـريـعـر ) ودندن و غـن
و ازهل اللي مايجيب البيوت ملصمقه

المديح ان سمع بـ ( اسمك ) على ( بشتك ) زبن
اسـمـك لـحـالـه !! يـفـل الحـجـاج و يـطـلـقـه

عاد في راسك من ( الطيب ) حبٍ ما طحـن
فـ العرب ( روسٍ رفيعـه ) و ( روس مدنقـه )

يا فهد ( فعلـك يجمل ) و يكفيك .. انّك من
ترثـت اللـي فـ ( المعارك مـا يكسـر بيرقـه )

يا نسـل ( سـعـدون ) ما دامني حاضر تمن
ودك انـا .. نغـرب القاف ؟ ولا نشرقـه ؟

انت ( كفوً لـ المداحم ) و ( لـ الابـه ركـن )
يا ( ذخـر هبـاس ) من جا على الدرب افهقه

ارهج الصيهد .. و ضيق على اخصامك و عـن
من يحسـب ان ( النواميـس ) توخذ بـ صدقـه

يا هـل القعدان فـ الوضح من جنـب ... ومن
( ما نحـب الختـل ) ولاا ( نجيكـم بـ درقـه )

قد نذرناكـم من العـام .. واجهرنـا علـن
لا احـدٍ يـبـعـد هـقـآويـه .. ثـم توهقـه

احتما ( ضرب الميادين ) فـ الصيهد لاكن
عندنـا اللي ( يدحم الجمع ) ليـن ، يفرقـه

دام لـ ( الموقف حماوي ) و ( لـ الطلبه ثمن )
( يابن عريعـر ) عـريـعـر ( على شوطه سقه )

زين مسراحه والانظـار ، ( صوبـه ) وجهـن
يا مشالله جـل شـان الولـي .. يـوم خلقـه

مـن تسنـاده ؟ تقـول ان ( مرعـاه المـزن )
( الضهـر ، متسلقـيٍ ) و ( السبال مشدقه )

كن عرنونه .. طلع لـ ( السما ) عقبه طمن
كل مـاهـب الهـوا .. يالله انـه ( ينشقـه )

فيـه من ( حجـم البواخـر ) و ( من لون الكفـن )
( الوصـوف مهـولـه ) و ( الاصـول معمـقـه )

ساسـه : لـ ( فـردي المغاتير ) والنـدر مغن
فيـه ، من ( عليـان الاول ) وصـوفٍ تنتقـه

لحدٍ يغـايـب ، ومن طـاح !! والله مـا يحـن
من بغـا ( النامـوس ) يتعـب يلين يحققـه

التحدي .. دونه ( رْجـال ) .. ومصاقل حصن
لايجي في دربـه .. ( اللي مايحمي منطقه )

الاوايـل .. دونهـا ، ( ذخـر هبـاس ) امتنكـن
خالـديٍ .. ( تجفل القوم ) من ضرب فشقه

معـه ( قـومٍ ) من جموع العدا ( ما تشتحـن )
والعـدو !! ( اليـا لقـا جمعهم ) .. بـش عرقـه

مجدهـم في حاضـر الوقت ، وسنيـنٍ مضـن
مشتهر : ( من مغرب الارض لا اقصـا مشرقـه )