Chicken briyani for 5 people. கோழி இறைச்சி பிரியாணி 5 பேருக்கானது.

Описание: சுவையான நாட்டு கோழிப்பிரியாணி.
தேவையான பொருட்கள்.
1 முழுகோழி
1kg அரிசி
3 பெரியவெங்காயம்
15 பச்சைமிளகாய்
2 செத்தல்
10 பல் பூண்டு
2 இலை றம்பை
4 தண்டு கருவேப்பிலை
4 பிரியாணி இலை
1 தக்காளி
1 தேசிக்காய்
சிறியதுண்டு இஞ்சி
2 teaspoons சோம்பு
1 teaspoon வெந்தயம்
1/2 teaspoon கடுகு
சிறிய துண்டு கறுவா
5 கிராம்பு
1அன்னாசிப்பூ
3 teaspoons இறைச்சிசரக்குதூள்
3 tablespoons கறித்தூள்
3 teaspoons உப்பு.

தேவையான பொருட்களை அருகில் வைத்துக் கொள்ளுங்கள். அரிசியை கழுவி வைத்துக்கொள்ளுங்கள்.
அடுப்பில் சட்டியை வைத்து சூடேற்றுங்கள். சட்டி சூடேறியதும் எண்ணெய் சேருங்கள். எண்ணெய் சூடேறியதும் வெங்காயம் பச்சைமிளகாய் உள்ளி சேர்த்து தாளியுங்கள். கூடவே சோம்பு வெந்தயம் கடுகு சேருங்கள். கறுவாபட்டை சிறிது அன்னாசிப்பூ ஒன்று கிராம்பும் ஐந்து சேருங்கள். றம்பை கருவேப்பிலை பிரியாணி இலை இடித்த இஞ்சி சேருங்கள். எல்லாம் நன்றாக பொரிந்து பொன்னிறமாகி வாசம் வரும் அப்போது தக்காளி ஒன்று சிறிது சிறிதாக வெட்டி சேருங்கள்.

தக்காளி சேர்த்த பின்பு 3 tablespoons கறித்தூள் சேர்த்து நன்றாக கிளறுங்கள். எண்ணெயில் தூள் பொரிந்தால் கறியில் சுவை கூடும். தூளை தாளித்தவெங்காய கலவையுடன் நன்றாக கலந்த பின்பு கோழி இறைச்சியை போட்டு நன்றாக பிரட்டுங்கள். பிரட்டியதும் தேவையான அளவு தண்ணீர் உப்பு சேர்த்து மூடி அவிய விடுங்கள்.

நாட்டு கோழி என்ற படியால் அவிவதற்கு நேரம் பிடிக்கும். இரண்டு முறை பிரட்டி பிரட்டி இறைச்சியை மூடி அவியவிடுங்கள். இறைச்சி அவிந்ததும் இறைச்சிசரக்குதூள் தேசிப்புளி கருவேப்பமிலை சேருங்கள்.பின்பு கழுவி வைத்த அரிசியையும் தேவையான அளவு தண்ணீரும்சேர்த்து நன்றாக கிளறி மெல்லிய சூட்டில் மூடி அவியவிடுங்கள்.

பத்து பதினைந்து நிமிடத்தில் பின்பு திறந்து உப்பு சரி பார்க்கலாம். தேவைப்படின் தண்ணீரும் சேர்க்கலாம். சோறு முக்கால் பதம் அவிந்ததும் முட்டை போட விரும்பின் போட்டு பிரட்டி விடலாம். முட்டை பிரியாணியுடன் அவியும் போது முட்டையிலும் பிரியாணி வாசம் வரும். அடுப்பை மிகவும் குறைவான சூட்டில் விடவும். தம் இல் ஐந்து நிமிடம் விடவும். சுவையான கோழிப்பிரியாணி ரெடி வாங்க செய்து சாப்பிடலாம்.