Kuv Tug Tswv

Описание: [Verse 1]
Kuv tug Tswv thaum ub kuv tsis paub Koj,
Kuv tsuas xav tias yog vim dab tsi xwb.
Tabsis Koj twb hlub thiab khwv heev,
Tuag theej kuv lub txim saum ntoo khaub lig.

[Verse 2]
Kuv xav tias uas cas Koj yuav khwv luaj,
Peem ciaj peem tuag kwv Koj tus ntoo khaub lig.
Mus kom txog chaw thiab tuag qhuav siab qhawv,
Txhua yam Koj ua vim hlub kuv xwb.

[Chorus]
Yexus Koj txoj kev hlub loj kawg nkaus,
Koj theej kuv lub txim txhaum, koj tso kuv dim
Koj daws kuv tej txim, los ntawm koj cov ntshav,
Kuv yuav hlub Koj mus ib txhis tsis ncaim li.

[Verse 3]
Ntshav ntws los ntawm Koj txhais tes,
Qhov muag ntsia saum ntuj thov vaj leej txiv,
Kom zam lawv lub txim, vim lawv tsi paub,
Koj kev hlub loj kawg nkaus, ntxuav kuv dawb huv.

[Chorus]
Yexus Koj txoj kev hlub loj kawg nkaus,
Koj theej kuv lub txim txhaum, koj tso kuv dim
Koj daws kuv tej txim, los ntawm koj cov ntshav,
Kuv yuav hlub Koj mus ib txhis tsis ncaim li.

[Bridge]
Saum ntoo khaub lig yog qhov chaw muaj yeej,
Qhov uas kev hlub kov yeej kev tuag.
Koj txoj kev khwv ua rau kuv muaj sia tshiab,
Kuv yuav pe hawm Koj kawg kuv lub siab.

[Chorus]
Yexus Koj txoj kev hlub loj kawg nkaus,
Koj theej kuv lub txim txhaum, koj tso kuv dim
Koj daws kuv tej txim, los ntawm koj cov ntshav,
Kuv yuav hlub Koj mus ib txhis tsis ncaim li.