Best Astrologer in Kerala | Ayilyam Star Prediction for female | ആയില്യം K.P.Sreevasthav 9447320192

Описание: #sreevasthav #keralaastrology #indianastrologer

ആയില്യം നക്ഷത്ര ഫലം.
സാർപ്പേ കുരൂപാ വ്യസനാഭിഭൂതാ
ക്രിയാ വിഹീനാതി കഠോര വാക്യാ
നാരീ ഭവേത് സത്യവീഹീന കൃത്യാ
ദംഭാന്വിതാ ഛദ്മരതാ കൃതഘ്നാ

ആയില്യം നക്ഷത്രത്തിൽ ജനിച്ച സ്തീകൾ കുരൂപയും ദുഃഖങ്ങൾ അനുഭവിക്കുന്നവരും കഠിനമായ വാക്കുകൾ പറയുന്നവരും അലമ്പരും അസത്യവാദികളും അഹങ്കാരികളും വ്യാജമായ കാര്യങ്ങളിൽ മുഴുകുന്നവരും ആയിരിക്കും.
ആയില്യം നക്ഷത്ര ജാതകർ പൊതുവെ പുരുഷ പ്രകൃതികളായിരിക്കും അസാമാന്യ ധൈര്യവും കർമ്മ കുശലതയും സ്ഥിരോത്സാഹവും ഇവരുടെ മുഖമുദ തന്നെയാണ്. ഭരണ സാമർത്ഥ്യം പ്രത്യേകമായി തന്നെ ഇവരിൽ കാണാൻ കഴിയും. സുഖാനുഭവത്തിലും ഈശ്വരഭക്തിയിലും സത്യധർമ്മാദികൾ കൈവിടാതെ ജീവിക്കുന്നതിലും ഇവർ ബദ്ധശ്രദ്ധരായിരിക്കും ഗൃഹഭരണത്തിലായാലും മറ്റു പ്രവൃത്തി മണ്ഡലങ്ങളിലായാലും സ്വതന്ത്രത വേണമെന്നുള്ളത് ഇവർക്ക് നിർബന്ധമാണ്. അതു പോലെ മറ്റുള്ളവരുടെ മേൽക്കോയ്മ അംഗീകരിച്ചു കൊടുക്കാനും മടിയാണ്. എന്നിരിക്കലും എത്ര ദുർഘടം പിടിച്ച പ്രവൃത്തികളും വളരെയധികം ഉത്തരവാദിത്തത്തോടെ' ചെയ്തുതീർക്കും. ഇവരുടെ കഴിവിനെ എല്ലാവരും ഐക്യകണ്ഠേന അഭിനന്ദിക്കും.

ഉപദേശിക്കാൻ ഇഷ്ടമുള്ള ഇവരുടെ അടുത്തേക്ക് മറ്റാരെങ്കിലും ഉപദേശം കൊണ്ടു ചെന്നാൽ ഇവരത് ചെവിക്കൊള്ളാൻ പോലും തയ്യാറായെന്ന് വരില്ല.

കൃതഘ്നതയും ഉപകാരസ്മരണയില്ലായ്മയും ഇവരിലധികം പേരിലും കണ്ടുവരാറുണ്ട്,ഒരു പക്ഷേ ഇതുകൊണ്ടെല്ലാമായിരിക്കാം മന: കേശം ഇവരുടെ സന്തതസഹചാരിയായി കാണപ്പെടുന്നത്.
ഇവരുടെ ഏഴാം രാശിയായ മകരം ശനിയുടെ സ്വക്ഷേത്രവും, ഗുരുവിൻ്റെ നീചവും, ചൊവ്വയുടെ ഉച്ചവും, ആയതിനാൽ വിവാഹജീവിതം ക്ലേശ പ്രദമാകാൻ ഇടയുണ്ട്. ദാസത്യബന്ധത്തിൽ സംതൃപ്തി അനുഭവിക്കുന്ന ആയില്യം നക്ഷത്രക്കാർ തുലോം വിരളമായിരിക്കും. വളരെ താമസിച്ചുള്ള വിവാഹമോ ഭാര്യാഭർത്തൃ കലഹമോ വിരഹമോ കൊണ്ട് സ്ത്രീ പുരുഷ ഭേദമന്യേ ആയില്യം നാളുകാരുടെ ദാമ്പത്യ ജീവിതം ദുർഘടം പിടിച്ചതാകാൻ ഇടയുള്ളതിനാൽ വിവാഹത്തിനു മുൻപ് ഉത്തമ ദൈവജ്ഞനെ കൊണ്ട് ജാതക പരിശോധന നടത്തിക്കുക. (ജാതകത്തിൽ ഏഴാം ഭാവാധിപൻ്റെ ബലത്തെ ആശ്രയിച്ചിരിക്കും വിവാഹജീവിതവിജയം)

ആയില്യം നക്ഷത്രക്കാർക്ക് ഏകദേശം 15 വയസിന് ശേഷമായിരിക്കും ജീവിതത്തിൽ പുരോഗതി കൈവരിക 15 മുതൽ 35 വയസ്സുവരെയുള്ള കാലം ഇവർക്ക് ഏറ്റവും ശ്രേയസ്കരമായിരിക്കും കുടുംബജനാനുകൂലത വിശേഷവസ്ത്രാഭരണ ലാഭം വിവാഹാദിമംഗാകാര്യസിദ്ധി സന്താനഗുണം വിദേശയാത്രായോഗം എന്നിങ്ങനെ പലവിധ ഭാഗ്യാനുഭവങ്ങൾ ഈ സമയത്തിൽ അനുഭവമാകും. ശേഷം 41 വയസു വരെയുള്ള കാലം കുറച്ച് ബുദ്ധിമുട്ടുകൾ നിറഞ്ഞാതായിരിക്കും. ബസുജന വേർപാട്, ഗവർമെൻറിൽ നിന്നോ ഉന്നതസ്ഥാനീയരിൽ നിന്നോ പ്രതികൂല നടപടി ദാമ്പത്യക്ലേശം മുതലായ ദുരനഭവങ്ങൾ ഈ കാലഘട്ടത്തിൽ ഉണ്ടാകാം
41 വയസുമുതൽ 51 വയസു വരെ ഗുണകരമായ സമയമാണ് സന്താനങ്ങൾക്ക് പുരോഗതി കർമ്മപരമായ ശ്രേയസ് സജ്ജനങ്ങളുടെ ബഹുമാനം ഉന്നത പദവി സാമ്പത്തിക ശ്രേയസ്സ് തുടങ്ങിയ സൽഫലങ്ങൾ അനുഭവത്തിൽ വരും 51 വയസു മുതൽ 58 വയസു വരെ ശ്രദ്ധിക്കേണ്ടതായ സമയമാണ്. രക്ത സംബന്ധമായും മജ്ജാസംബന്ധമായുള്ള അസുഖങ്ങൾ ബുദ്ധിമുട്ടിപ്പിച്ചേക്കാനിടയുണ്ട് 58 വയസിനു ശേഷം ശാന്ത പൂർണ്ണമായ ജീവിതം നയിക്കുവാൻ ശ്രമിക്കുക.

പ്രതികൂല നക്ഷത്രങ്ങൾ പൂരം അത്തം ചോതി എന്നീ നക്ഷത്രങ്ങളും അഷ്ടമരാശിക്കൂറിൽ ഉൾപ്പെട്ട നക്ഷത്രങ്ങളായ അവിട്ടം അവസാന പകുതി ചതയം പുരോരുട്ടാതി ആദ്യമുക്കാൽ ഭാഗവും പ്രതികൂല നക്ഷത്രങ്ങളാണ് പ്രസ്തുത നക്ഷത്രങ്ങളിൽ ജനിച്ചവരുമായി കൂട്ടു ബിസിനസ് നടത്തുന്നതും അവർക്കു വേണ്ടി ജാമ്യം നിൽക്കുന്നതുമെല്ലാം ദോഷത്തിൽ കലാശിക്കിക്കുമെന്നാണ് വിശ്വാസം, ഈ നക്ഷത്രക്കാരുമായുള്ള ദീർഘകാല കൂട്ടുകെട്ടും അത്ര കണ്ടു ഗുണം ചെയ്യില്ല ഈ പറഞ്ഞ പ്രതികൂലനങ്ങളിൽ ശുഭകാര്യങ്ങൾ ചെയ്യാനിരിക്കാനും ശ്രദ്ധിക്കുക.

അനുഷ്ടിക്കേണ്ട കാര്യങ്ങൾ ആയില്യം നക്ഷത്രജാതർക്ക് ശുക്രന്റേയും ചന്ദ്രന്റേയും രാഹുവിന്റേയും ദശാകാലം പൊതുവെദോഷ പ്രദമാകാൻ ഇടയുള്ളതിനാൽ ഈ സമയത്തിൽ വിധിപ്രകാരമുള്ള പരിഹാര കർമ്മങ്ങൾ അനുഷ്ഠിക്കേണ്ടതാണ് ജാതകവശാൽ ഈ ദശാകാലങ്ങൾ അനുകൂലമായേക്കാനും ഇടയുണ്ട് ) രാശിയുടെ അധിപനായ ചന്ദ്രനെ പ്രീതിപ്പെടുത്തുന്ന കർമ്മങ്ങൾ അനുഷ്ഠിക്കുന്നതും ഗുണം ചെയ്യും പൗർണ്ണമി നാൾ തോറും
ദുർഗ്ഗാപുജ നടത്തുന്നതും ഐശ്വര്യപ്രദമായിരിക്കും ലളിതാസനസ്രനാമജപം തുടങ്ങിയ ദേവീ പ്രീതീകരങ്ങളായ കർമ്മങ്ങളും അനുഷിക്കാവുന്നതാണ്. നക്ഷത്രാധിപനായ ബുധനെ പ്രീതിപ്പെടുത്തുന്ന മന്ത്രങ്ങളും സ്തോത്രങ്ങളും ജപിക്കാവുന്നതാണ്. ബുധനാഴ്ചകളിൽ പ്രതാനുഷ്ഠാനവും കൃഷ്ണൻ ശ്രീരാമൻ മുതലായ അവതാര വിഷ്ണു ക്ഷേത്രങ്ങളിൽ ദർശനം നടത്തുന്നതും ഗുണകരമാണ്. ആയില്യം തൃക്കേട്ട രേവതി എന്നീ ജന്മാനു ജന്മനക്ഷത്രങ്ങളിൽ ക്ഷേത്രദർശനത്തിൽ നടത്തുന്നതും വ്രതജപാദികൾ അനുഷ്ഠിക്കുന്നതും ഉത്തമമാണ്. ആയില്യവും ബുധനാഴ്ചയും ചേർന്നു വരുന്ന ദിവസങ്ങളിൽ സവിശേഷ പ്രാധാന്യത്തോടെ വ്രതജപാദികൾ അനുഷ്ടിക്കാവുന്നതാണ്.


നക്ഷത്രമൃഗം = കരിമ്പൂച്ച
കറുത്ത രോമങ്ങൾ ഉള്ള പൂച്ചയെ ആണ് കരീമ്പൂച്ച എന്നു പറയുന്നത്.


നക്ഷത്രദേവത= സർപ്പങ്ങൾ

ഉരഗവർഗ്ഗത്തിൽപ്പെട്ട ജീവികളാണ് സർപ്പങ്ങൾ.
ഇവിടെ സർപ്പം എന്നതു കൊണ്ട് മുഖ്യമായും ഉദ്ദേശിക്കുന്നത് മൂർഖൻ പാമ്പിനെയാണ്. ഭാരതീയ സങ്കൽപ പ്രകാരം സർപ്പങ്ങൾക്ക് ദൈവീകത്വം കൽപ്പിക്കുന്നുണ്ട്. സർപ്പാരാധന ഭാരതത്തിൽ പരക്കെ നടപ്പുള്ള ഒന്നാണ് പണ്ട് കാലങ്ങളിൽ സർപ്പകാവുകൾ ധാരാളമായി ഉണ്ടായിരുന്നു. .
ആയില്യം നക്ഷത്ര ജാതർ തങ്ങളുടെ നക്ഷത്ര ദേവതയായ സർപ്പങ്ങളെ നീത്യവും പ്രാർത്ഥിക്കുന്നത് ജീവിത പുരോഗതിക്ക് ഏറ്റവും ഗുണകരമാണ് .

ഓം സർപ്പേഭ്യോ നമ:

എന്ന മന്ത്രം നിത്യവും ജപിക്കാവുന്നതാണ്.

ഭാഗ്യനീറം= നീല, പാടലം
ഭാഗ്യദിക്ക് =വടക്ക്
ഭാഗ്യദിവസം = ബുധൻ ഭാഗ്യസംഖ്യ = 5 ഭാഗ്യരത്നം = മരതകം
ജാതകവിശകലനത്തിനു ശേഷം മാത്രം ഭാഗ്യ രത്നനിർണ്ണയം നടത്തുക.