راعي صوغة - محمد ال نجم ( حصرياً ) | 2021

Описание: 🛑تنبيه🛑 : نسخ أو تحميل المحتوى وإنتهاك حقوق النشر يعرض حسابك وقناتك للإغلاق

شيلة :/ راعي صوغة
كلمات :/ بطحان بن بخيت ال عليان
اداء :/ محمد ال نجم
جرافيكس :/ تويم بن فطور


____
الموال :/

يالله تثبتها على القاع لا تطير
مفروض حطو مخرجً للطواري

من دون لالي ماتحسب المشاوير
ماله لزوم فوقها ونت دار ي


من حبها ماحن نحسب المخاسير
ندحم بها الميدان والشوط ناري


القصيده :/


ناموسنا مبطي ويبقا عوايد
نمثل شيوخ وقبايل وطنا

السبق نحضر بها في الوعايد
لا كبرت القاله حضرنا وفزنا

هجن معانا تطرب لكل كايد
كنها تقول السيف مايروح عنا

سيف عليه اسم لـ خليفه وزايد
ناخذه طرقً والوعد محتفلنا

حافظ عليها من عيون القرايد
وصلت تحسك والعصا ماتثنا

معا وجيه الهجن شوف وتزايد
من يوم قامت راس والعز غنا

هاذي الرماسه زاهيه للقلايد
ماهي تقرع من لوايل هجنا

ولا ذخرانها ندور فووايد
ناموسها يسوا كثير بزمنا

سلام يامظفر وتزها الفرايد
يابن خموشه ياذخرنا وسندنا

فايد ياراعي صوغتن بالعوايد
رموز برا الدوله وفي وطنا

ياللي تزعفرها ترا العلم فايد
كنها هنوف للعياد اتحنا



المكس :/



ماشفت مثل وصوفها في الهجن غير
كنها شجاعاً في الملاقا انتحاري

اتشوف في مركاضها السبق والخير
يالي تنافسها تجنب يساري

يشكر مضمرها على خير تضمير
سعيد والناموس عنده اجباري

لاروحت قدم العرب والسيايير
كنها تطعن في الظهر بالشباري

ثم وقفو وسط المنصه جماهير
ثم صفقو للفوز و ا الانتصاري

يالله تثبتها على القاع لا تطير
مفروض حطو مخرجً للطواري

من دون لالي ماتحسب المشاوير
ماله لزوم فوقها ونت دار ي

من حبها ماحن نحسب المخاسير
ندحم بها الميدان والشوط ناري

سلم عليهم قلهم ذا السنه غير
انشد عن الاخصام والبحث جاري

اولهم الي كان ضمن المشاهير
واليوم كنسل عزبته والمشاري