Top Channel/ “Anëtarësim në BE pa veto”, FAZ: “Debati po shkon në drejtimin e duhur”!

Описание: Raportues i grupit parlamentar për çështjet e zgjerimit të BE-së, deputeti gjerman i CDU-së David Preisendanz, është bërë zëri më i fundit që ngrihet në debatin mbi mënyrat e zgjerimit të bllokut europian, pas përfshirjes aty të kryeministrit të Shqipërisë Edi Rama, presidentit serb Aleksandar Vucic dhe kreut të Komisionit për Çështjet e BE-së në Bundestag, Anton Hofreiter. Frankfurter Allgemeine Zeitung, i cituar nga mediat në Kosovë, shkruan se Preisendanz ndan bindjen që debati për alternativa ndaj anëtarësimit të plotë, sic është opsioni i anëtarësimit pa veto, po “shkon në drejtimin e duhur”. Ai u shpreh në favor të një qasjeje graduale. “Ne duhet të largohemi nga mendimi bardh e zi dhe nga logjika ‘brenda ose jashtë’. Kjo qasje ose kështu, ose ashtu e ka mbajtur Ballkanin Perëndimor në pragun e BE-së për mbi 20 vjet. Duke pasur parasysh ndikimin e Rusisë dhe Kinës në rajon, kjo gjë tashmë është bërë rrezik gjeopolitik”, është komenti i tij. Sipas deputetit gjerman, lëvizja duhet të jetë me faza. “Kushdo që përmbush reformat kyçe duhet të integrohet hap pas hapi -duke filluar me qasjen në tregun e përbashkët,” thekson ai, ndërsa për Serbinë thotë se kjo çështje nuk është aktualisht në rend dite. Ligjvënësi shton se “anëtarësimi në BE, në cfarëdolloj forme, varet nga përmbushja konsekuente e kritereve thelbësore të anëtarësimit.” Edhe një anëtarësim pa veto do të nënkuptonte “zbatimin e hapave qendrorë të reformës, veçanërisht në fushën e shtetit të së drejtës dhe pavarësisë së gjyqësorit.” Mbetet për t’u pare, vazhdon shkrimi, nëse shtetet e Ballkanit Perëndimor i përmbushin kushtet për tregun e përbashkët ose për anëtarësim në BE pa veto, dhe nëse këto alternativa do të pranohen nga shtetet aktuale anëtare.


Pamje:AFP

Departamenti i Informacionit, më i madhi, më kryesori në Top Channel, i cili shënoi fillimin e televizionit me edicionin e lajmeve në 20 dhjetor 2001. Përmes informacioneve të shpejta, të sakta dhe të thelluara, reportazheve dhe rubrikave të tjera informative, Top Channel është kthyer në burimin kryesor dhe me prestigjioz të informimit të të gjithëve në Shqipëri, në hapësirën mbarëshqiptare dhe kudo tjetër në botë ku shqiptarët jetojnë. Top Channel është i pranishëm me kamerat dhe gazetarët e tij në të gjitha ngjarjet më të rëndësishme të vendit dhe në botë, me edicionet e tij informative.

Për më shumë vizitoni: http://top-channel.tv/

Subscribe to "Top Channel" on YouTube Channel for NEWS and TV
Shows HERE: http://bit.ly/2Y15KwK
For more content from click HERE: www.top-channel.tv
Like Top Channel on Facebook HERE: http://bit.ly/2FglWTs
Follow Top Channel on Instagram HERE: http://bit.ly/2uaYG2U
Follow Top Channel on Twitter HERE: http://bit.ly/2TJndeH
#TopChannelNews#Zgjerimi#BE