TAXIL FONDU BUĞDA TƏDARÜKÜNƏ BAŞLAYIB
Автор: CBC TV Azerbaijan
Загружено: 2018-06-09
Просмотров: 2363
Описание:
Fövqəladə Hallar Nazirliyinin Dövlət Material Ehtiyatları Agentliyi Dövlət Taxıl Fondu üçün fermerlərdən buğda alışına başlayıb. Buğdanın qiyməti bir ton üçün 300 manat nəzərdə tutulur. Dövlət Material Ehtiyatları Agentliyi Dövlət Taxıl Fondu üzrə İdarənin rəisi Zülfüqar Məmmədov bildirib ki, fond yalnız keyfiyyətli ərzaq buğdasının tədarükünü həyata keçirəcək. Çünki keyfiyyətli çörək bişirmək üçün keyfiyyətli buğdaya ehtiyac var. Buna görə məhsulun keyfiyyət kriteriyalarına ciddi nəzarət olunacaq.
"Qida Təhlükəsizliyi Agentliyi ilə apardığımız danışıqlar nəticəsində əldə etdiyimiz razılaşmaya əsasən buğdanın laboratoloji analizləri pulsuz aparılacaq", - deyə idarə rəisi əlavə edib.
Taxıl Fondunun rəhbəri Zülfüqar Məmmədov fermerlərə müraciət edərək daha keyfiyyətli buğda növləri əkməyə çağırıb. Bildirib ki, bu, həm də ixrac yönümlü məhsul ola bilər.
Fond buğdanın alışı üçün miqdar və zaman məhdudiyyəti qoymayıb. Ötən il Taxıl Fondu fermerlərdən 58 min ton buğda qəbul edib. Ölkənin buğdaya olan illik tələbatı 1.8 milyon ton hesab olunur.
Повторяем попытку...
Доступные форматы для скачивания:
Скачать видео
-
Информация по загрузке:
