ទស្សនាវីដេអូលម្អិតទាំងស្រុងនៃសន្និសីទសារព័ត៌មាន

Описание: កាលពីថ្ងៃទី២០ ខែវិច្ឆិកា ឆ្នាំ២០២៥ គណៈកម្មការរៀបចំការប្រឡងប្រជែង បានរៀបចំសន្និសីទសារព័ត៌មាន ស្តីពី «វឌ្ឍនភាពព័ត៌មានអំពីដំណើរការជ្រើសរើស និងគ្រប់គ្រងគ្រូង្រៀនផ្អែកលើកិច្ចព្រមព្រៀងការងារឱ្យចូលបម្រើការងារនៅគ្រឹះស្ថានបឋមសិក្សាសាធារណៈ» ក្រោមអធិបតីភាពដ៏ខ្ពង់ខ្ពស់ ឯកឧត្តម ហ៊ុន ម៉ានី ឧបនាយករដ្ឋមន្រ្តី រដ្ឋមន្រ្តីក្រសួងមុខងារសាធារណៈ និងជាប្រធានគណៈកម្មការរៀបចំការប្រឡងប្រជែង អមដោយឯកឧត្តម យក់ ប៊ុនណា រដ្ឋលេខាធិការប្រចាំការក្រសួងមុខងារសាធារណៈ និងឯកឧត្តមបណ្ឌិតសភាចារ្យ ណាត ប៊ុនរឿន រដ្ឋលេខាធិការក្រសួងអប់រំ យុវជន និងកីឡា។

សន្និសីទនេះ រៀបចំឡើងដើម្បីផ្តល់វឌ្ឍនភាពព័ត៌មានអំពីការអនុវត្តការកែទម្រង់រដ្ឋបាលសាធារណៈតាមរយៈ ការអនុវត្តវិធានការគន្លឹះទី១ ក៏ដូចជាផ្តល់ព័ត៌មានជុំវិញដំណើរការជ្រើសរើស និងគ្រប់គ្រងគ្រូបង្រៀនផ្អែកលើកិច្ចព្រមព្រៀងការងារ ឱ្យចូលបម្រើការងារនៅគ្រឹះស្ថានបឋមសិក្សាសាធារណៈ ជាពិសេស ដំណាក់កាលនៃការរៀបចំបេក្ខជនបម្រុងនាពេលថ្មីៗនេះ។

សូមអញ្ជើញស្តាប់ និងទស្សនាវីដេអូលម្អិតទាំងស្រុងនៃសន្និសីទសារព័ត៌មាន។