Maqedoni/Përleshje dhe protesta kundër ndërtimit të kishës ortodokse në Shkup-(13 Shkurt 2011)

Описание: Lajme Arkiva 2011

5 protestues maqedonas dhe 3 policë kanë marrë lëndime të lehta në përleshjet e sotme mes shqiptarëve dhe maqedonasve në kalanë e Shkupit që kanë zgjatur për rreth një orë. Incidenti filloi pas orës 13.

Rreth 1000 protestues shqiptarë që kishin ardhur në kalanë e Shkupit për të protestuar kundër ndërtimit të kishës ortodokse u gjuajtën me gurë nga protestues maqedonas , të cilët kishin ardhur për të përkrahur ndërtimin e kësaj kishe bashkë.

Pas këtyre provokimeve një grup i protestuesve shqiptarë kryesisht të rinj, u shkëput nga grupi kryesor dhe filloi përleshje të ashpra me protestuesit maqedonas. Sipas organizatorëve të rinjtë shqiptarë që kanë marrë pjesë në përleshje kryesisht janë nga radhët e grupit të tifozëve shfercerat, kurse maqedonasit nga radhët e tifozëve të njohur si komitet që llogariten të afërt me partinë e kryeministrit Nikolla Gruevskit.

Fillimisht pjesëmarrësit në incident gjuheshin me gurë mes veti , por më pas janë shkëmbyer edhe grushta. Incidenti u qetësua falë ndërhyrjes së policisë, kurse organizatorët e protestës shpallën fitore të shqiptarëve në kala.

Artan Grubi: “Ata e treguan mënyrën e vet se qysh punojnë qysh veprojnë. Punojnë natën, vijnë ta vjedhin kalanë, e falsifikojnë historinë , na i përjetësojnë vlerat tona, po ne e dimë se kush jemi. Ne s’kemi krizë të identitetit. Andaj në mënyrë dinjitoze do shpërndahemi prej këtu, po jemi këtu edhe gjithmonë kur duhet ta mbrojmë shqiptarinë në Shkup, do të jemi këtu.”

Jo zyrtarisht të lënduar ka edhe në mesin e protestuesve shqiptarë, mirëpo ato nuk janë paraqitur në policinë nga frika se do të arrestohen. Organizatorët e protestës u ankuan se përderisa policët shqiptarë kanë tentuar ta qetësojnë situatën, policë maqedonas të veshur me veshje civile janë rreshtuar në anën e huliganëve maqedonas./tvklan.al

SUBSCRIBE to “RTV KLAN” on YouTube for more videos!

Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni në faqen https://tvklan.al/video/
Follow Tvklan on Facebook:   / tvklan  
Follow rtvklan on Instagram:   / rtvklan  
Programet e Tv Klan mund t’i ndiqni edhe në faqen https://tvklan.al/programe/