محمد ابن الذيب _ يا كود جمس _ تصميم السرحاني

Описание: ⠀⠀⠀⠀⠀⠀⠀⠀
© جميع الحقوق محفوظة
لخيرالله السرحان 2017
⠀⠀⠀⠀⠀⠀⠀
MY INSTAGRAM
  / _kher__  
⠀⠀⠀⠀⠀⠀⠀⠀⠀⠀⠀⠀⠀⠀⠀⠀
أنا بوزع على النـاس ابتساماتـي
ياميتيـن المشاعـر ويـش يحييهـا
حقك علي ماتدسـم لـي شنباتـي
وفعايـل النـاس ماتشبـه مباديهـا
والفرصة مواتيه والطاري مواتـي
والشعر حاجـة تعنينـي وأعنيهـا
لكن ماهـو يعبـر عـن معاناتـي
الا تعبـر عـن الدنيـا ضواحيهـا
ومن تجربة ربع قرن عاشها ذاتـي
ماكل فرقن يهـز القلـب طاريهـا
واليا تحرش هجوسي في بونياتـي
تطابخت روس عجميهـا وياميهـا
ولا امبراطورة الخافـق ومشهاتـي
تطربخ فـبركـة الخفـاق رجليهـا
ياأول محطة غرامن من محطاتـي
لياليـن جمعتنـي فيـش يسقيـهـا
أجيش وانـا كبيراتـن طموحاتـي
واروح وانـا محثلهـا ومعطيهـا!!
وان كان حبش من أسوأ الاحتمالاتي
كل احتمـالات فيهـا سـوء لبيهـا
وعليش قلبي وراء الاضلاع ماباتي
ولا يقـرب ديـارش يـوم أنويهـا
ياكود جمس ماترهبـه المسافاتـي
ملكعـن بـأول الدنـيـا وتاليـهـا
منحره لا أقبل مع خشم الطويلاتـي
منحر ذلول تـزول بكبـد راعيهـا
ومرايتـه دون كبوتـه عريضاتـي
كفوف امام معـه دعـوه ويدعيهـا
والهولـي يبـخ وبلوفـه بلوفاتـي
يـولـع الـنـار ولا مايطفيـهـا
مابينه وبين أهـل نجـد علاقاتـي
لاهـي تدانيـه ولا هـو يدانيـهـا
وصوته لا ريح بنمره عقب زتاتـي
تنهيدة اللي صدوق العشق كاويهـا
تناحـي أهـل المحبـه بالتنهاتـي
ولا لقـت فالمحبـه مـن يناحيهـا
ورفارفه يـوم يصفـق فالمطباتـي
ردوف بنت مـن النعمـه تدربيهـا
وايلا نطحها هواء هيفيتـن عاتـي
تحسبنـه مـن الــزود متقفيـهـا
ومساحتينه لا قامت تقبـل وتاتـي
أصبع عجـوز كثيراتـن دعاويهـا
عليه الاحياء تدخل جـو الامواتـي
وعليه الاموات مدري وين أوديهـا
يوم يتفلت علـى الطرقـه تفلاتـي
ضعاف الأنفس على الفتنه يجريهـا
الجاكور أكبـر عيالـه والبنياتـي
الكزس البورش وال بي أم وأخيها
ان قلت ياالجيب خاوه قال ماحاتـي
لكـن ديـره يواليـهـا ماواليـهـا
يشرب فناجيلـي ويكسـر بيالاتـي
ويمد رجله علـى دربـي ويثنيهـا
وان قلت ياالفرت قال الفرت سكاتي
بعض الطواريق مـاودك تلاحيهـا
الجمس ابداع مـن كـل اتجاهاتـي
كنه قصيدتك ذي اللي علـى ايهـا
مصـدر للفجيـره بسـم كرواتـي
يدرس علوم الطبيعه فـي نواحيهـا
وشراه واحد سعودي من إماراتي
وباعه على حضرمي رايحن فيها !!
والحضرمي كل ماخزن من القاتـي
الحاجه اللي على بالـه يسويهـا
ايلا بغى يرهب كبـار الحكوماتـي
رجله على قطعة الفرجه مضريهـا
ولا خواطر خفوقي واخـر أبياتـي
قصايـدي كلبيهـا قـد سمعتيـهـا
أي والله اني عشقت رضاش بالذاتي
مابـه مساحـه بقلبـي مامشيتيهـا
يانيلي العـذب يادجـلاي يافراتـي
ياديرة الحب شارعهـا وكوبريهـا
ياأبلغ قصيده عليها مـن حركاتـي
مايجذب الدهشـه لعينـي قاريهـا
ايلا أنتثر دمع عينش سوي سواتـي
قولـي بكمـش كذيـا ثـم مشيهـا