Alalá nº 177 "Francisco Carballido" - TVG

Описание: Alalá nº 177 "Francisco Carballido" - TVG
Emisión en Televisión de Galicia: 16-02-2011
Lugar de gravación: ESTOUPELO (A FONSAGRADA)
http://alala.crtvg.es

Francisco Carballido é un dos últimos tocadores de trompa da Fonsagrada. Portador dunha antiga técnica de toque, ten un repertorio baseado en cantigas e pezas tradicionais de gaita que adapta á trompa. En Estoupelo, aldea da Fonsagrada na que naceu e viviu toda a vida, ata facía “polavilas” coa trompa nas que creaba bailes cun ton moi especial.

O feito de que Francisco non lembre nin cando comezou a tocar a trompa fala da unidade natural entre o lugar, o músico e o instrumento. A trompa é un instrumento que se toca en moitas partes do mundo e en Galicia ten moitos nomes; arpa de boca, berimbau, espantapensamentos... Tan arraigado estaba na zona como pasatempos que os ferreiros fabricábanas de forma espontánea. Conseguila foi para él tan natural como facela soar. Simplemente tuvo que encargarlla de neno a un amigo. Un rapaz fillo de ferreiro e aprendiz de ferreiro que aceptou o encargo e puxose a facela cando só tiña once anos. Esta noite, un dos últimos tocadores de trompa da Fonsagrada: Francisco Carballido Marentes.