Berisha: Gjykata Kushtetuese, seksion i Partisë Socialiste

Описание: Kryetari i Partisë Demokratike, Sali Berisha, u paraqit sot, 19 janar, në ambientet e SPAK, për të firmosur detyrimin e paraqitjes, pas masës së sigurisë. Ai u pyet nga gazetarët në lidhje me vendimin e Gjykatës Kushtetuese, e cila doli në konkluzionin se arresti shtëpiak ndaj tij ishte i tejzgjatur.

Për Berishën ky vendim nuk është çudi, pasi e konsideron Gjykatën Kushtetues si një seksion të Partisë Socialiste.

“Gjykata Kushtetuese është një seksion i një organizate partie të PS. Komenti i parë. Atë çështje Gjykata Kushtetuese e trajtoi pas tetë muajve paraqitje në një kohë kur çdo çështje që ka të bëjë me qeveritarët e trajton brenda dy dhe tre javëve. Këto janë standardet partiake të Gjykatës Kushtetuese. Së dyti, Gjykata Kushtetuese, në një vendim të koduar partiak shpalli jo kushtetuese vendimin ndaj meje, por nuk e shfuqizoi atë. Ndërkohë që ai vendim ka pasoja edhe sot. Pra nuk e shfuqizoi duke pretenduar se nuk është më në fuqi, por në fuqi janë pasojat e tij dhe vendimi në çdo doktrinë përveçse atë të partisë së krimit, vendimi duhej shfuqizuar”, tha Berisha.

Sipas tij, ai vendim ka prapaskena.

“Mori një vendim në favor tëLubisë dhe lubinjve të tjera që do shkojnë atë. Kaq është vendimi, i turpshëm. Sepse vendimet e tjera hapin rrugën ta shfuqizojnë. Vendimin tim nuk e shfuqizoi duke pretenduar se merret vetëm me vendimet që janë në fuqi. Nuk është ashtu. Merret me vendimet që janë në fuqi dhe me pasojat që ka sjellë. Besoj se e morët vesh se ç’përfaqësojnë, mos t’i marr tani, njerëz të kapur peng me dhjetëra e dhjetëra mëkate dhe gjëra të padenja”, tha Berisha.

Në lidhje me çështjen “Partizani” për të cilën akuzohet kryedemokrati, avokatët e tij kanë kërkuar që të thirret si dëshmitar edhe kryeministri Edi Rama. Berisha e akuzoi kreun e qeverisë se është ai që ka firmosur dhe që i ka bërë dëm shtetit.

“Uroj që gjykatësit ta thërasin në sallën e gjyqit dhe po të kenë guximin ta shpallin të pandehur në sallën e gjyqit. Mesa duket Lubia po e merr me vete”, tha Berisha.

Gjatë deklaratës së tij para gazetarëve, ai komentoi edhe aksionin e fundit të Prokurorisë së Posaçme ndaj një call center-i që mashtronte qytetarët e huaj. Ai u shpreh se operacioni u dekonspirua dhe se biznese të tilla funksionojnë me mbështetjen e policisë.

“Kjo veprimtari kriminale është absolutisht e tëra, në mbikëqyrjen e narkopolicisë. Njëlloj si dikur për çdo rrënjë kanabis paguhej tarifa prej 300 eurosh kur ato ishin të shëndetshme se jepnin 1 mijë euro fitim, çdo qendër për çdo kompjuter u paguan tarifa zyrtarëve të policisë të cilët mbyllin sytë para një veprimtarie të tillë ku vjedhin dhe mashtrojnë. Në këto qendra ushtrohet një mashtrim masiv i qytetarëve fatkeqë që besojnë ku ju thuhet sillni shumën se do marrësh kaq, ke humbur në bursë, do të të gjejmë ne kaq dhe me radhë. Është kjo veprimtari e shtetit mafioz”, tha Berisha.

SUBSCRIBE to "RTV KLAN" on YouTube for more videos!
Për më shumë informacione vizitoni faqen tonë web https://tvklan.al/kategoria/klan-news/
Follow Klan News on Facebook:   / klannews  
Follow @klannews on Instagram:   / tvklannews  
#KlanNews #KlanNewsLajme #TvKlan