CM Revanth Reddy | డీలిమిటేషన్ న్యాయంగా జరగాలి | Telangana Assembly Resolution for Fair Delimitation

Описание: లోక్‌సభ నియోజకవర్గాల పునర్విభజన అంశంపై తెలంగాణ ప్రభుత్వం శాసనసభలో ఒక తీర్మానం చేసింది. ఈ తీర్మానాన్ని స్వయంగా ముఖ్యమంత్రి ఎ. రేవంత్ రెడ్డి గారు ప్రవేశపెట్టారు. ఈ సందర్భంగా ఆయన, డీలిమిటేషన్ వల్ల దక్షిణాది రాష్ట్రాలకు జరిగే అన్యాయాలను వివరించి, ఆమోదయోగ్యమైన ప్రతిపాదనలను సూచించారు.

♦️ "జనాభా ప్రాతిపదికన లోక్‌సభ నియోజకవర్గాల పునర్విభజన (డీలిమిటేషన్) జరిగితే దక్షిణాది రాష్ట్రాలు రాజకీయ ప్రాతినిధ్యంలో నష్టపోతాయని, ఈ ప్రక్రియలో కేంద్రం ద్వంద్వ విధానాలు అవలంబిస్తోందని ఈ సభ తీవ్ర ఆందోళన వ్యక్తం చేస్తోంది. ఉదాహరణకు, జమ్మూ కాశ్మీర్‌లో 2011 జనాభా లెక్కల ఆధారంగా సీట్ల సంఖ్యను 83 నుంచి 90కి, సిక్కింలో 2018లో కేబినెట్ తీర్మానం ద్వారా పునర్విభజన చేపట్టగా, తెలంగాణ మరియు ఆంధ్రప్రదేశ్‌లో 2026 జనాభా లెక్కింపు వరకు వాయిదా వేయడం వివక్షను సూచిస్తుందని సభ భావిస్తోంది.

♦️ రాష్ట్ర ప్రభుత్వాలు, రాజకీయ పార్టీలు, ఇతర భాగస్వాములతో పారదర్శకమైన సంప్రదింపులు జరపకుండా కేంద్రం ముందుకు సాగుతున్న ఈ కసరత్తుపై సభ ఆందోళన వ్యక్తం చేస్తోంది. అన్ని రాష్ట్ర ప్రభుత్వాలు, రాజకీయ పార్టీలు మరియు సంబంధిత వాటాదారులతో విస్తృతమైన సంప్రదింపులు జరిపిన తర్వాతే ఈ ప్రక్రియను పారదర్శకంగా చేపట్టాలని సభ కోరుతోంది.

♦️ గతంలో కేంద్రం నిర్దేశించిన జనాభా నియంత్రణ కార్యక్రమాన్ని సమర్థవంతంగా అమలు చేసిన దక్షిణాది రాష్ట్రాలు, జనాభా వాటా తగ్గడం వల్ల నష్టపోకూడదు. ప్రస్తుతం దక్షిణాది రాష్ట్రాల ప్రాతినిధ్యం 24 శాతం ఉండగా, ఇది 19 శాతానికి పడిపోయే ప్రమాదం ఉంది. అందుకే, నియోజకవర్గాల పునర్విభజనకు జనాభాను ఏకైక ప్రామాణికంగా పరిగణించరాదని సభ స్పష్టం చేస్తోంది. జాతీయ జనాభా స్థిరీకరణ లక్ష్యంతో రూపొందిన 42వ, 84వ, మరియు 87వ రాజ్యాంగ సవరణల ఉద్దేశం ఇంకా నెరవేరలేదని, ఈ విషయాన్ని గతంలో ఇందిరా గాంధీ గారు గుర్తించి చట్ట సవరణ ద్వారా పునర్విభజనను నియంత్రించారని సభ గమనించింది.

♦️ పార్లమెంట్ సీట్ల సంఖ్యను యథాతథంగా కొనసాగిస్తూ, రాష్ట్రాన్ని ఒక యూనిట్‌గా తీసుకొని నియోజకవర్గాల సరిహద్దులను మాత్రమే పునర్విభజన చేయాలని సభ సూచిస్తోంది. ఈ ప్రక్రియలో తాజా జనాభా లెక్కల ఆధారంగా షెడ్యూల్డ్ కులాలు (SC) మరియు షెడ్యూల్డ్ తెగల (ST) సీట్ల సంఖ్యను సముచితంగా పెంచడంతో పాటు, మహిళలకు 33 శాతం రిజర్వేషన్లు కల్పించే అవకాశాన్ని పరిశీలించాలి. ఈ పునర్విభజన దక్షిణాది రాష్ట్రాలను నియంత్రించే సాధనంగా మారకూడదని సభ ఉద్ఘాటిస్తోంది.

♦️ ప్రాతినిధ్య ప్రజాస్వామ్యాన్ని బలోపేతం చేసే దిశగా, ఆంధ్రప్రదేశ్ పునర్వ్యవస్థీకరణ చట్టం, 2014కు అనుగుణంగా మరియు తాజా జనాభా లెక్కల ఆధారంగా, తెలంగాణ శాసనసభలో సీట్ల సంఖ్యను 119 నుంచి 153కి తక్షణమే పెంచాలని సభ తీర్మానిస్తోంది. ఈ లక్ష్యం కోసం అవసరమైన రాజ్యాంగ సవరణలను ప్రవేశపెట్టాలని కేంద్ర ప్రభుత్వాన్ని ఈ సభ కోరుతోంది."

♦️ ఈ అంశంపై రాజకీయాలకు అతీతంగా అన్ని పక్షాలు ఏకమై కేంద్రంపై ఒత్తిడి తీసుకురావాలని, అవసరమైతే పోరాటం చేయాలని ముఖ్యమంత్రి పిలుపునిచ్చారు. త్వరలో డిప్యూటీ సీఎం భట్టి విక్రమార్క మరియు జానారెడ్డి ఆధ్వర్యంలో అన్ని రాజకీయ పక్షాలతో సమావేశం నిర్వహించనున్నట్లు తెలిపారు. ఈ సమావేశానికి అందరూ హాజరుకావాలని ముఖ్యమంత్రి గారు విజ్ఞప్తి చేశారు.

Hon'ble Chief Minister Shri A. Revanth Reddy led the Telangana Legislative Assembly in adopting a key resolution on fair delimitation of Lok Sabha constituencies. Introducing it himself, he asserted that southern states, including Telangana, should not lose political representation for effectively implementing population control, opposing population as the sole criterion for delimitation. He criticized the Centre’s inconsistent approach—citing Jammu and Kashmir’s seat increase (83 to 90, 2011 census) and Sikkim’s 2018 delimitation—while Telangana and Andhra Pradesh await the 2026 census, calling it discriminatory.

♦️ The resolution demands transparent consultations with states, parties, and stakeholders, rejecting any reduction in southern states’ parliamentary seats. It urges maintaining current Lok Sabha seat numbers, adjusting boundaries within states, and increasing SC/ST seats and women’s reservation (33%) based on the latest census. It also seeks to raise Telangana Assembly seats from 119 to 153 per the Andhra Pradesh Reorganisation Act, 2014, pressing for swift constitutional amendments.

♦️ Revanth Reddy urged political unity to address these concerns, announcing an all-party meeting led by Deputy CM Bhatti Vikramarka and Jana Reddy, appealing for active participation to ensure fairness.

#telangana #cmrevanthreddy #fairdelimitation #telanganaassembly #telanganaassemblyresolutionondelimitation #delimitation #southernstates #populationcontrol #politicalrepresentation #scstreservation #womensreservation #assemblyseats #andhrapradeshreorganisationact #constitutionalamendments #politicalunity #revanthreddy #loksabha #uniongovernment #hyderabad #telanganalegislativecouncil #telanganalegislativeassembly #telanganabudget