刑偵12｜陳慧珊收林保怡電話即允出山 張振朗傅嘉莉爆最後對戲即場發揮

Описание: 刑偵12｜陳慧珊收林保怡電話即允出山 張振朗傅嘉莉爆最後對戲即場發揮

劇集《刑偵12》大結局喇！林保怡 陳慧珊 張振朗 吳業坤 陳自瑤 傅嘉莉 張松枝 等一眾演員聯同總監製 鍾澍佳 等幕後人員，呢晚相約食飯齊齊睇結局，又大玩抽奬，氣氛相當熱鬧！一眾演員亦非常有心，為佳導送上驚喜紀念品，令佢好感動。

佳導指《刑偵12》係自己最鍾意嘅一套劇，可以講一啲道理比較深嘅事，亦感恩遇到咁多位厲害嘅演員，因為套劇真係好難演。

Flora喺結局尾聲以守護者人格出現，成為最大嘅彩蛋。佳導就話要令丁洛風（林保怡 角色）完美，就不可缺少陳慧珊嘅出現。所以當初同Bowie討論要為守護者人格選角時，第一人選就係Flora，佳導仲擔心過會唔會請唔郁對方！

myTV SUPER重溫懸疑緊張劇情 https://www.mytvsuper.com/tc/content/...

而Bowie就笑言係自己打電話俾Flora直接邀請：「Flora，我有個劇，好正架！仲有個彩蛋角色。」而Flora大讚Bowie同佳導誠意十足，所以一收到電話就立刻答應演出。不過咁難得睇到Flora演出，只係得彩蛋都令大家覺得唔夠喉，佳導就話要認真諗個好故事令Flora再出山。

Yoyo喺結局為救Bowie慘死，呢一場戲都令大家睇得好心酸，Yoyo雖然覺得結局留下遺憾，但亦認為係一件好事。至於「人格之一」嘅張松枝憑癲喪演技而大受觀眾讚賞，松枝更被Bowie形容「整套劇令大家最大壓力就係你」，而佢就回應：「好似人性咁，一定有邪惡一面。」

振朗、坤哥、Kelly喺結局尾聲一場接吻戲睇到大家嘩嘩聲，兩位男士就話拍得好興奮。而Kelly喺另一場戲同Bowie、振朗嘅對戲亦係高光時刻。Kelly演繹出被禁錮三個月而變得虛弱絕望嘅破碎感，更為劇集奉獻「第一次」以全素顏演出！

Kelly同振朗更透露，佢地同Bowie最後一場戲係無劇本下演出，本身劇本寫到Bowie睇完手機片段後就完結，之後嘅戲就係即場發揮，大家都唔會知自己要講咩。振朗就話雖然好難演，但真係好爽！

#刑偵12 #林保怡 #陳慧珊 #張振朗 #吳業坤 #陳自瑤 #傅嘉莉 #張松枝 #鍾澍佳 #大結局 #彩蛋 #劇集 #高光時刻 #即場發揮
#TVB #娛樂新聞 #TVB娛樂新聞台

#ENews #HKENews #香港娛樂八卦新聞 #八卦新聞

即刻Follow TVB 娛樂新聞台 Facebook專頁
  / tvbenews  

登入myTV SUPER享受睇TVB自製節目7日包括娛樂新聞的免費點播
https://bit.ly/2TXLlM0