DD News Mizoram - Chanchinthar | 11 February 2024 | 6:30 PM

Описание: HEADLINES:

1. Chief Minister Pu Lalduhoma'n India leh Myanmar ramri hung tumna awm mek chungchangah Mizoram lama ramri hung a duh lo tih Union Home Minister Amit Shah a hrilh nawn.

2. Union Minister of State for Law & Justices, Arjun Ram Meghwal chuan vawiin khan Kolasib tlawhin, sorkar laipui scheme in a thlenna tur kut hnathawktute a thleng em tih enfiah tura Mizoram tlawh a nih thu a sawi.

3. YMA Kumpuan Sub-Committee ten Sairang leh Bagha, Assam inkara eirawngbawlna gas khawih chingpen na hmun tlawh chhuakin, gas khawih chingpentute ti tawh lo tura an ngen bakah an hmanrua te an laksak.

4. Tun hnaia Social media-a mipat hmeichhiatna kaihhnawih pholang thin, hmeichhe pahnih chu Police ten manin lung inah khung an ni.

5. Mizoram Presbytarian Kohhran bial hrang hrang ah, Bial Kohhran Hmeichhe Inkhawmpui neih mek a ni.

6. Mizoram Baptist Mipa Pawl Rorel Vawi 3-na chu tunkar zirtawpni khan BCM Biak In, Ebenezer, Zobawk South Pastor Bial-ah neih a ni.

7. Mizoram Eye Bank-ah tun thlengin mit pe tu, eye donor mi 521 te mit pek atangin mit darthlang mamawh mi 457 te mit darthlalang thlak sak an ni tawh.

8. Mizoram Sorkar leh Sri Ramachandra Medical Institute of Higher Education and Research, Chennai tangkawpin Lung Thalo te tana a thlawna inentirna hun ZMC-a an buatsaih ah zai ngai mi 130 hmuhchhuah an ni a, a thawh khat na ah mi 50 a thlawna zai an ni dawn.

9. President Droupadi Murmu chuan ram hmasawnna kawngah Tribal mipuiten hmun pawimawh tak an luah a ni, a ti.

10. Prime Minister Narendra Modi-a'n vawiin khan Madhya Pradesh-a tribal-te awmkhawmna hmun, Jhabua district-ah hmasawnna hnathawh tur cheng vbc. 7300 hu a hawng.

11. Ministry of Home Affairs chuan Central Armed Police Forces-a constable hnalak tur chu tualto tawng chi 13 hmangin a huaihawt dawn.

12. Parliament inhnih thutkhawm chu nimin khan tihtawp a ni.

13. Nimina Lok Sabha thutkhawmah Ayodhya-a Ram Temple leh Pran Pratishtha-a Ramlala sak chungchang sawiho a ni.

14. Ram puma inthlanpui pakhat ‘One Nation One Election’ committee chu President hlui Ram Nath Kovind kaihhruaina hnuaiah thutkhawm pawimawh tak neih a ni.

15. Aam Aadmi Party Convener leh Delhi Chief Minister nibawk Arvind Kejriwal chuan Punjab-a Lok Sabha seat 13 leh Chandigarh-a seat 1 chu an party mala an chuh tur thu a sawi.

16. Prime Minister Narendra Modi-a'n United Arab Emirates (UAE) a nihnih cham turin Thawhlehniah India a chhuahsan dawn.

17. Imran Khan kaihhruai Pakistan Tehreek-e-Insaf (PTI) party chuan Pakistan inthlan result hmawrbawkna tihchhuah a nih loh chuan a muanawm zawnga dodalna lantir turin anmahni thlawptute an ngen.