ვოლსტრიტის ამბები

Описание: ბოლო პერიოდში ხშირად გაიგებდი სიტყვებს "ვოლსტრიტი" "აქციები" "რედიტი".
და მაინც, რა მოხდა ვოლსტრიტზე?

ზოგადად, აქციებით ვაჭრობენ რიგითი ადამიანები და ამ საქმეზე სპეციალიზებული ორგანიზაციები - ჰეჯები. ჰეჯების ერთ-ერთი მეთოდი "Short-selling"ია, როცა ისინი კონკრეტული აქციების ფასის დავარდნაზე დებენ ფსონს.

წარმოიდგინე, რომ შოკოლადის კომპანიის აქცია 10$ ღირს, ნიკა კი ფიქრობს, რომ ფასი გაბერილია და მალე დაიკლებს. ამიტომ ის სთხოვს შოკოლადის კომპანიას ასესხოს აქციები, იმ პირობით, რომ 1 თვეში უკან დაუბრუნებს და თითო აქციაზე 1$-ს დაუმატებს. შოკოლადის კომპანია თანხმდება, ნიკა ეგრევე ყიდის ნასესხებ აქციებს 10$-ად და თუ მისი მოლოდინი გამართლდება და მართლაც დაიკლებს შოკოლადის აქციის ღირებულება, შეიძენს ნაკლებ ფასში, დაუბრუნებს შოკოლადის კომპანიას და დამატებით შეპირებულ 1$-საც გადაუხდის, ასე შოკოლადის კომპანიაც მოიგებს და ნიკაც.

ნიკასგან განსხვავებით, ვოლსტრიტის ზოგიერთი მოვაჭრე იმდენად დიდია, რომ სხვადასხვა განცხადებით შეუძლია ხალხის მოლოდინების შეცვლა და შესაბამისად ფასის მართვაც.

სწორედ ასეთმა გიგანტმა ჰეჯმა მიიჩნია, რომ კომპანია "gamestop"-ის აქციები მალე გაუფასურდებოდა, ამიტომ ბევრი აქცია ისესხა, გაყიდა და ფასის დაკლებას დაელოდა. იმისთვის, რომ ფასის ვარდნა დაეჩქარებინა, საჯაროდაც აკეთებდა განცხადებას, რომ კომპანია მალე მოკვდებოდა, რაც საზოგადოებრივ აზრზე და შესაბამისად კომპანიის ფასზე გავლენას ახდენდა.

თუმცა ეს ამბავი ფორუმ "რედიტის” წევრებმა გაიგეს და გადაწყვიტეს გიგანტი ჰეჯისთვის მძიმე მდომარეობა შეექმნათ. ამიტომ გეიმსთოფის აქციების ყიდვა დაიწყეს, ზოგმა 100, ზოგმა 1000$-ით. რამოდენიმე დღეში მილიონი ასეთი მყიდველი გამოჩნდა, ანუ გაიზარდა მოთხოვნა და შესაბამისად Gamestop-ის აქციების ფასიც.

ანუ იმის მაგივრად, რომ დაწეულიყო, $12-დან დაახლოებით 500 დოლარამდე გაიზარდა, რამაც ვოლსტრიტელებს მძიმე მდგომარეობა შეუქმნა და ისინი რამოდენიმე მილიარდით აზარალა.

მიუხედავად იმისა, რომ რედიტელებმა გეიმსტოპის გარდა მსგავსი რამ კიდევ რამოდენიმე დაშორთილ კომპანიაზე გაიმეორეს, მომავალში მსგავსი მანიპულაცია სავარაუდოდ გაუჭირდებათ, რადგან ფონდები პროტოკოლს შეცვლიან და ეცდებიან მსგავსი შემთხვევების წინასწარ გათვალისწინებას.