RRUGA E PLAZHIT - PLEPA, DURRES 2021 | DRIVING VIDEO

Описание: Rruga “Pavarësia” që çan përmes plazhin e Durrësit nis nga Ura e Dajlanit dhe përfundon në vendin e quajtur Plepa, në një gjatësi prej vetëm 4.3 kilometrash.

Ajo iu nënshtrua një projekti të gjerë rikualifikimi përmes pesë tenderave në vitin 2016, duke ofruar tre pamje të ndryshme.

Rruga “Pavarësia” ndjek të njëjtën gjurmë me fillimin e rrugës Durrës – Kavajë, e ndërtuar thuajse një shekull më parë; atëherë kur ranishtja e plazhit kishte pamjen e dunave mbushur me gjineshtra.

Rruga e asfaltuar mbeti e tillë edhe në vitet 1970, kur plazhi i Durrësit filloi të frekuentohej masivisht, veçanërisht nga të rinjtë dhe familjarët e shumtë të Tiranës, ndërsa në krahun e detit u ndërtuan qindra kabina prej druri e madje edhe çadra ushtarake, të cilat u adoptuan për pushuesit.

Në vitin 2004, qeveria shqiptare akordoi 10 milionë euro për rindërtimin e saj dhe rruga e Plazhit mori përmasat që ka sot.

Në vitin 2016, Bashkia e Durrësit e ndryshoi funksionin dhe pamjen e saj përmes pesë tenderave të financuar nga Komiteti i Zhvillimit të Rajoneve, ndërhyrje të cilat kushtuan në total 686.6 milionë lekë [5.5 milionë euro].

Ata që shkojnë drejt qyteteve të jugut nuk e përdorin më rrugën e plazhit, por kalojnë nga rruga e re e Unazës.

Bashkia e Durrësit tashmë i ka përfunduar të gjitha ndërhyrjet në jug të qytetit, aty ku brenda 20 vitesh u krijua një nga lagjet më të populluara në shkallë vendi.

_________________________________________
Subscribe ‪@GOGLA‬ për më shumë video.
_________________________________________
Follow GOGLA në Instagram:   / gogla_al  
Follow GOGLA në Facebook:   / gogla.al  
Website: http://gogla.al/
_________________________________________
#goglaal #gogla #durres2021 #durresi #shkembiikavajes #dji #mavicpro2 #albania2021 #drivingvideo #plepadurres #rrugaeplazhit #rrugapavaresia #durresidriving #plazhidurresit #gogla