Mirela Milori intervistë me Fatos Lubonjën (26 Prill 2004)

Описание: Lajme Arkiva 2004

Mirela Milori: Si e shikoni këtë marrëdhënie dhe këtë zhvillim të fundit mes ish të persekutuarve dhe mazhorancës, duke qenë edhe ju vetë një prej ish të persekutuarve të shumtë që kërkojnë natyrshëm dëmshpërblimin e viteve të burgut.

Fatos Lubonja: Këtë unë e shikoj në një aspekt më të gjerë, në një aspekt krize. Do të thoja te të burgosurit ndihen në mënyrë më evidente dhe më dramatike kjo krizë, por unë shikoj këtu një krizë politike, një krizë morale dhe një krizë ekonomike që lidhet te ky aspekt. Flas për krizë politike sepse ne kemi ndërtuar një sistem ku pjesa më e brishtë e shoqërisë është gjithmonë jashtë interesit dhe ku polarizimi dhe pasurimi i madh i një grupi të vogël, ka krijuar si me thënë... është një sistem i tëri, mjafton të përmend për shembull rastin, sepse përmendet shumë fatura, është fatura shumë e madhe, por po të shikosh privatizimet skandaloze që janë bërë, një nga të fundit është privatizimi i Hotel Tiranës me 5.2 milionë Euro, mendoj se është sistemi që nuk funksionon, sistemi politik që është vënë në shërbim të pasurimit të një grupi të vogël njerëzish dhe është krizë e këtij sistemi që shfaqet te të burgosurit politik. Ky është një aspekt, është një aspekt i dytë, një aspekt moral, do të thoja unë ku tashmë vuajtja e këtyre njerëzve është një sistem i dehumanizuar, ku vuajtja njerëzore, vuajtja e këtyre njerëzve është harruar dhe ku fytyra e diktatorit që i ka persekutuar del ditë për ditë nëpër gazeta dhe shoqëria si të thuash ka humbur edhe disa shtylla morale dhe të shfaqet kjo krizë e këtij sistemi do të thoja unë. Mjafton të përmend rastin e kryeministrit Nano, i cili për 4 vjet burg mori afro 70 milionë lekë, ndërkohë që të burgosur që kanë bërë afro 20 vjet burg me letra me vlerë të cilat nuk i morën dot shumica, mund të merrnin për 20 vjet burg, për 5 herë më shumë një shifër te 20 milionë lekë. Është dramatike dhe është njëkohësisht një nga shprehjet e kësaj krize morale të kësaj qeverisje. E treta është kriza ekonomike, këta njerëz gjithnjë e më shumë ndihen në pamundësi për të jetuar dhe të gjitha këto kanë krijuar si të thuash këtë përplasje, që nuk është vetëm përplasje e kësaj shtrese, por kjo është shtresa më e brishtë e shoqërisë dhe mendoj se ky është thelbi i çështjes, zgjidhja e kësaj nuk është çështje e zgjidhjes e këtij grupi shoqëror por është një gjë që vë në alarm për të gjithë sistemin që kemi ngritur.

Mirela Milori: Përfshirja e opozitës i ndihmon realisht këtë grup shoqëror apo ndoshta mund ta zbehë kërkesën e tyre sepse përfshihen tashmë politikisht. Ky grupim përfshihet. Si e shikoni?

Fatos Lubonja: Mendoj se parimisht çështja e të burgosurve politik duhet të ishte një çështje kombëtare e të gjitha partive sepse këta janë pjesa që e kanë vuajtur dramatikisht sistemin, por praktikisht nuk është kështu, praktikisht duket se Partia Socialiste përsëri ruan atë elektoratin e vetë që kryesisht bën pjesë te presekutorët e kësaj shtrese dhe kjo shtresë duket se gjen pjesë te Partia Demokratike, opozita antikomuniste në krye të herës dhe mendoj se në një farë kuptimi ka një paradoks këtu sepse ndërkohë që Partia Demokratike mbështet shtresat më të brishte, Partia Socialiste duhet të ishte ajo që mbron shtresat më të brishta, por ajo është siç thash është pjesë e një “State capture”, e një shteti të kapur nga mafia. Pra dua të them që praktikisht kjo shtresë mendoj se ka gjetur një lloj mënyrë për ta përforcuar, amplifikuar politikisht kërkesën e vetë, ndonëse nuk duhet të s’ishte kështu, mendoj se gjithsesi zhurma që bëhet në parlament nga PD-ja, pavarësisht pastaj se sa premtuese është kjo, se sa e sinqertë është kjo, sa mund të realizohet nesër, sa mund të përdoren të burgosurit politik për qëllime të tjera, kjo është një gjë për t’u vërtetuar, por është një mënyrë për të amplifikuar politikisht një kërkesë që është morale, ekonomike, shpirtërore etj.-etj./tvklan.al

SUBSCRIBE to “RTV KLAN” on YouTube for more videos!

Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni në faqen https://tvklan.al/video/
Follow Tvklan on Facebook:   / tvklan  
Follow Tvklan on Instagram:   / rtvklan  
Programet e Tv Klan mund t’i ndiqni edhe në faqen https://tvklan.al/programe/