شيلة وريث المجد للشاعر الكبير لافي حمود الغيداني مهداه للشيخ بدر بن ماجد بن عميره أداء مهنا العتيبي

Описание: يابدر ابن ماجد .. رهين المعاريف
يعطي الرجال حقوقها مايهضمها

يا ابن عميره ويش ابقول واضيف
لسيرةٍ روّايها يحترمها

وريث مجدٍ ما بشموخه سواليف
وشيخة رياجيل ٍ يرفرف علمها

شيخة عرب ما جت بفتح المظاريف
من طيبها ما فيكم احدٍ ختمها

من جدك الاول مغيث الملاهيف
والنار من حول عليها شعمها

نارٍ تخوف ناوي الشر تخويف
يجود جلد الادمي من وحمها

واضرب مثل بعقاب نبذه وتعريف
ياما سرى صلف الدروب وجهمها

جدك عقاب منسف الروس تنسيف
كم سربةٍ عن ماتريده لطمها

مال سابقه عن جمع الاعداء محاريف
لا قامت العدوان تزبر كزمها

يجتاحها مثل اجتياح العواصيف
ليا عدا لين يعدي ما رحمها

مغايره لامن وجه القشر شيف
نفس الخصيم الشرس تقطف نسمها

ماعمرهم جو بالغبينه مناكيف
من صلب روق اللي تشرف قيمها

يابدر يابدر الدجا بالمواقيف
والفزعه اللي مايوصّف طعمها

عساك تسلم من جميع الصواديف
ومن هبدة ايديها ونيبان فمها

دنياً عوايدها فراق المواليف
ولا يندرى من وين هجمة سهمها

حرٍ غرامك روس علط المشاريف
ماتعشق الا النايفه من اقممها

مجالس رجال التراحيب بالضيف
كفوٍ شنبك لهيلها ولشحمها

طيبك لمدحك كلف الشعر تكليف
حرك هجوسي .. والقريحه زهمها

وساوقت مع هاجوس فكري على الكيف
وجتك القصيده يابدر واستلمها

من شاعرٍ ماصفف الشعر تصفيف
لا استرسلت معه القريحه حكمها

تفداك ناس ٍ ماعليها تحاسيف
وجودها متساويٍ مع عدمها

كم من وريث شداد قومٍ شواحيف
ظلم توليه الشداد وظلمها

لو لحق دور الشلف والرمح والسيف
حتى البدو ماتسرحه في غنمها

احدٍ مثل شرواك ريفٍ على ريف
يرفع عرب في سمعته ويخدمها

واحدٍ سليل امجاد لكنّه ضعيف
امجاد اهله الاولين يهدمها

#وريث_المجد
#لافي_الغيداني
#بن_عميره
#عتيبه_الهيلا
#روق_برقا
#العطاوي





.












.










.
#قبائل_عتيبه
#عتيبه
#ذوي_عطيه
#عتبان
#العتبان
#العتيبي
#الهيلا

#مسلسل_رشاش
#رشاش_الشيباني
#فلم